Golf

Ólafía keppir á LPGA-móti í Virginíu og leitar að kylfusveini

Ingvi Þór Sæmundsson skrifar
Ólafía keppir á tveimur LPGA-mótum í röð.
Ólafía keppir á tveimur LPGA-mótum í röð. vísir/getty
Ólafía Þórunn Kristinsdóttir tekur þátt á Pure Silk Championship mótinu í golfi sem fer fram dagana 23.-26. maí. Mótið er hluti af LPGA-mótaröðinni í golfi og fer fram í Williamsburg í Virginíu.

Ólafía var önnur tveggja sem fékk sérstakt boð frá styrktaraðilum að keppa á mótinu að því er fram kemur á kylfingur.is.

Tækifærið virðist hafa komið óvænt upp og Ólafía auglýsti eftir kylfusveini á Instagram í dag. Skemmtilegur og yfirvegaður eru meðal hæfniskrafna.

Veit einhver um kylfusvein fyrir Ólafíu?mynd/instagram-síða ólafíu
Þetta verður fyrsta mót Ólafíu á LPGA á tímabilinu. Hún hefur leikið á sex mótinu á Symetra-mótaröðinni, þeirri næststerkustu í Bandaríkjunum.

Þetta er þriðja árið í röð sem Ólafía keppir á Pure Silk Championship sem hét áður Kingsmill Championship. Hún komst ekki í gegnum niðurskurðinn 2017 og 2018. Árið 2017 lék hún á fjórum höggum yfir pari og á pari árið eftir.

Ólafía tekur þátt á tveimur mótum í röð á LPGA en hún verður meðal þátttakenda á Opna bandaríska mótinu sem fer fram um næstu mánaðarmót.




Fleiri fréttir

Sjá meira


×