Hjörtur í bikarúrslit þriðja árið í röð

Hjörtur Hermannsson og félagar í Bröndby eru komnir í bikarúrslit þriðja árið í röð eftir 1-0 sigur á AaB á heimavelli í kvöld.

Bröndby er ríkjandi bikarmeistari en þeir unnu 3-1 sigur á Silkeborg í úrslitaleiknum á síðasta ári. Árið þar á undan tapaði liðið 3-1 fyrir grönnunum í FCK.

Om en time går det løs i pokalturneringens semifinale, og det er disse 11, som skal starte for os #Brøndby#BIFAAB#SydbankPokalenpic.twitter.com/nbS84sZLey

— Brøndby IF (@BrondbyIF) April 4, 2019

Hjörtur Hermannsson spilaði allan leikinn í miðri vörn Bröndby en eina mark leiksins skoraði Pólverjinn Kamil Wilczek eftir hörmuleg mistök Jacob Rinne á þrettándu mínútu.

Bröndby er því komið í úrslitin en þar mæta þeir Midtjylland. Leikurinn fer fram sautjánda maí og verður spilað á Parken í Kaupmannahöfn. Þessi sömu lið mættust í undanúrslitunum í fyrra.