Jón Dagur spilaði í sex marka jafntefli

Jón Dagur Þorsteinsson og félagar í Vendsyssel gerðu 3-3 jafntefli við Hobro í dönsku úrvalsdeildinni í fótbolta í dag að viðstöddum tæplega 1500 áhorfendum.

Jacob Tjörnelund kom Hobro yfir snemma leiks en heimamenn í Vendsyssel náðu að jafna metin fyrir leikhlé og staðan því 1-1 í hálfleik.

Í síðari hálfleik komst Vendsyssel svo í 3-1 áður en Hobro jafnaði metin en jöfnunarmarkið kom í uppbótartíma. Lokatölur 3-3.

Jón Dagur lék allan leikinn á miðju Vendsyssel en hann er í láni hjá danska liðinu frá enska úrvalsdeildarliðinu Fulham.