Dómararnir agndofa þegar þeir heyrðu í næstu Norah Jones

Ashley Hess er 27 ára tónlistarkona frá Fremont í Kaliforníu og mætti hún í áheyrnarprufu í American Idol á dögunum.

Hún flutti lagið Don´t Know Why með Norah Jones og lék hún á píanóið er hún söng lagið. Það má með sanni segja að Hess hafi slegið í gegn og heillað dómnefndina upp úr skónum.

Katy Perry, Luke Bryan og Lionel Richie fylgdust hreinlega agndofa með og hlustuðu á þessa frábæru söngkonu.

Þau einfaldlega gengu að píanóinu og voru dáleitt yfir flutningnum eins og sjá má hér að neðan. Hún flaug að sjálfsögðu í gegn.