Innlent

Tekinn með fíkniefni og hnúajárn

Sunna Kristín Hilmarsdóttir skrifar
Lögreglan á Suðurnesjum hefur þurft að hafa afskipti af þó nokkuð mörgum vegna fíkniefnamála.
Lögreglan á Suðurnesjum hefur þurft að hafa afskipti af þó nokkuð mörgum vegna fíkniefnamála. vísir/vilhelm
Lögreglan á Suðurnesjum hefur á síðustu dögum haft afskipti af þó nokkuð mörgum einstaklingum vegna fíkniefnamála.

Þetta kemur fram í tilkynningu frá lögreglunni en þar segir meðal annars að karlmaður sem færður var á lögreglustöð vegna gruns um fíkniefnasölu hafi reynst vera með fíkniefni innan klæða.

Þá fundust í fórum hans hnúajárn, lyfseðilsskyld lyf sem ekki hafði verið ávísað á hann og myljara.

Þá reyndist ökumaður sem ók bíl sínum út af í Hvassahrauni verið með fíkniefni í vörslu sinni auk þess sem hann var grunaður um fíkniefnaakstur, sviptur ökuréttindum og á stolinni bifreið.

Fimm ökumenn til viðbótar voru svo teknir úr umferð vegna gruns um fíkniefnaakstur og voru tveir þeirra án ökuréttinda.


Tengdar fréttir




Fleiri fréttir

Sjá meira


×