JóiPé og Króli koma fram í Color Run

Í sumar verður Litahlaupið fimm ára en hlaupið hefur verið haldið í byrjun júní síðan árið 2015 og hafa yfir 40.000 manns tekið þátt í gleðinni.

Þann 1. júní verður haldið upp á afmæli hlaupsins og því verður litahliðum fjölgað úr fjórum í fimm, fleiri peppstöðvar á hlaupaleið og enn stærri skemmtiatriði á sviðinu fyrir og eftir hlaup.

Jói Pé og Króli hafa staðfest þátttöku sína í gleðinni og ætla að skemmta gestum í litabombupartýinu sem á sér stað þegar hlauparar koma í mark.