Dimma fór til sálfræðings: „Engin skömm að leita sér hjálpar“

Meðlimir hljómsveitarinnar Dimmu segja enga skömm í því að leita sér hjálpar hjá fagfólki og eru líklega eina hljómsveitin á landinu sem hefur farið í sálfræðitíma - sem hljómsveit.

„Þú ert enginn aumingi ef þú bara réttir upp höndina og segir: Ég þarf hjálp.“

Hljómsveitin Dimma er meðal viðmælenda í 3. Þætti af Viltu í alvöru deyja á Stöð 2 í kvöld. Þátturinn er á dagskrá Stöðvar 2 klukkan 20:40 og verður þar rætt við Erlu Hlynsdóttur sem missti föður sinn á aðfangadag eða jóladag árið 2017 sem og Ólaf og hljómsveitina Dimmu um fráfall Bjarna Jóhannesar. 

Leikstjórn og handrit er í höndum Lóu Pind Aldísardóttur, myndatökumaður er Ívar Kristján Ívarsson og klippingu annaðist Ólafur Þór Chelbat. 

Ef þú ert í sjálfsvígshugleiðingum: 

Hringdu í Hjálparsíma Rauða krossins: 1717 - opið allan sólarhringinn 

Talaðu við netspjall Rauða krossins á raudikrossinn.is 

Eða pantaðu tíma hjá Pieta samtökunum: pieta.is

Klippa: Dimma fór til sálfræðings: 'Engin skömm að leita sér hjálpar“