Tímalaus tíska í Sólrós

„Við vildum bæta úrvalið af spari- og fínni fötum á krakka og opnuðum vefverslun með sýningarrými í desember í fyrra. Fatnaðurinn fékk frábærar viðtökur og viðskiptavinir kölluðu eftir auknum opnunartíma og flestir vilja geta mátað fötin. Við opnuðum því verslun nú í nóvember síðastliðinn, í æðislega flottu rými í Bæjarlind 14 – 16, hannað af arkitektinum Hilmari Gunnarssyni,“ segir Þurý Hannesdóttir, markaðsstjóri barnafataverslunarinnar Sólrós.

Verslunin býður hágæða fatnað bæði fyrir hátíðleg tilefni og hversdags. Fötin eru unnin úr gæðaefnum þar sem hugað er að hverju smáatriði.

„Þetta er tímalaus fatnaður og stíll sem margir hafa leitað eftir en ekki fundið. Ævintýralegir kjólar, jakkaföt og skór fyrir krakka á aldrinum 4 til 16 ára. Stærstu stærðirnar eru fyrir allt að 18 ára og við eigum alltaf eitthvað fyrir 2 ára. Við féllum fyrir serbneska vörumerkinu Ninia og var ákveðið þá að fara út í þetta ævintýri og opna verslun með stílhreinum fatnaði fyrir stelpur og stráka. Við byrjuðum með prinsessu fötin, bættum svo skófatnaði inn og nú nýlega strákafötum en margir hafa beðið eftir meira úrvali af fínni fötum á stráka." 

Nú erum við með merki frá Ítalíu, Spáni, Bretlandi, Serbíu og Kanada og með nýju merkjunum breikkaði úrvalið og þá líka meira af fatnaði sem hægt er að nota hversdags. Við ætlum okkur að bæta enn fleiru við úrvalið og vera með fatnað sem hentar breiðum aldurshóp og einnig erum við að fara bæta inn gjafavörum fyrir börn og unglinga“ segir Svetlana Markovic, eigandi Sólrós. ,,Við sækjum mest til Ítalíu í dag og erum spennt fyrir því sem er á leiðinni til okkar í vor“.

Öðruvísi verslun

„Verslunin í Bæjarlind er öðruvísi sett upp en fólk á yfirleitt að venjast. Við stillum upp einu sýnishorni af hverri flík frammi og fólk biður um þá stærð sem það þarf að máta. Viðskiptavinir þurfa því ekki að fletta gegnum heila slá og leita sjálfir. Við leggjum mikið upp úr gæða þjónustu,“ segir Lana. „Börnin eru skemmtilegir viðskiptavinir sem hafa skoðanir, oft allt aðrar en foreldrarnir,“ segir hún , það sé gaman að snúast í kringum þau. „Okkur þykir mjög gaman og heyrum það bæði frá börnum og unglingum hvað þau eru ánægð með úrvalið hjá okkur“.

Nánar má kynnar sér úrvalið á solros.is. 

Þessi kynning er unnin í samstarfi við Sólrós.