Ótrúleg viðbrögð þegar Joseph Allen flutti frumsamið lag í AGT

Joseph Allen er 21 árs söngvari frá Texas í Bandaríkjunum en hann sló heldur betur í gegn í skemmtiþættinum America´s Got Talent vestanhafs í vikunni.

Þar flutti hann frumsamið lag sem hann samdi sérstaklega fyrir áheyrnarprufuna. Fjölmargir úr skóla Allen voru mættir í salinn til að styðja við bakið á honum og var stemningin frábær alveg frá því að hann steig á sviðið.

Howie Mandel, einn af dómurunum í AGT, var svo hrifinn að hann henti sér upp á dómaraborðið og steig ofan á gullhnappinn fræga sem skilar söngvaranum beint í undanúrslit.