Nærast á hlátrinum Steingerður Sonja Þórisdóttir skrifar 25. september 2019 06:30 Spunamamman Dóra hefur ákveðið að draga sig í hlé sem listrænn stjórnandi. fbl/sigtryggur Dóra Jóhannsdóttir leikkona stofnaði Improv Ísland fyrir fimm árum. Hún kynntist Guðmundi Felixsyni fyrir sex árum, þegar hann heimsótti New York. Dóra viðraði þá hugmynd sína um að stofna improv-hóp hérlendis, en spunaleikhúsið er gífurlega vinsælt í New York. Fimmta leikár Improv Ísland hefst í kvöld í Þjóðleikhúskjallaranum.Leyfði þeim ekki að sýna strax „Ég var ein að kenna fyrst um sinn og leyfði þeim ekki að sýna. Fyrst voru þetta bara námskeið. Fyrsta sýningin var ekki fyrr en einu eða tveimur árum eftir að við byrjuðum,“ segir Dóra. Hún segist hafa verið stressuð yfir að sýna og að fólki þætti þetta glatað og kæmi ekki aftur. „Ég vildi að þau myndu æfa sig og verða góð. Svo þegar mér fannst þau vera orðin góð, þá leyfði ég þeim loksins að sýna,“ segir Dóra. „Ég hef verið listrænn stjórnandi hópsins frá upphafi, sem er smá eins og leikstjóri. Núna ákvað ég að stíga til hliðar og leyfa einhverjum ungum og upprennandi eins og Gumma að taka við,“ en það er Guðmundur Felixson sviðshöfundur sem tekur við af Dóru. Spunamamma verður spunapabbi Dóra segir improv vera grasrótarhreyfingu sem er og verður eiginlega alltaf slík. „Við erum eiginlega að ala upp unga grínista. Það er alltaf að koma nýtt og nýtt fólk í hópinn. Þetta er og verður alltaf smá hrátt, það er alltaf ný sýning. Við erum aldrei að gera það sama. Svo langaði mig líka til að setja frá mér þessa ábyrgð til þess að geta skemmt mér og spunnið á sviðinu.“ Dóra mun því áfram taka þátt í sýningum, en þá undir listrænni stjórn Guðmundar.Er það ekkert stressandi hlutskipti fyrir Guðmund, að fara nú að segja nokkurs konar lærimeistara sínum í faginu til? „Nú er ég tekinn við, sem er mjög skrýtið en líka mjög skemmtilegt. Dóra hefur náttúrulega verið smá eins og spunamamma okkar allra síðasta hálfa áratuginn. Nú þarf ég að vera spunapabbi allra vina minna sem hafa margir verið jafn lengi í þessu og ég,“ svarar Guðmundur hlæjandi. Þau eru bæði sammála um að partur af spunanáminu sé líka að læra að taka gagnrýni. „Maður lærir að taka egóið út fyrir samhengið. Þetta er bara tækni,“ segir hann. Ekki bara bóla Von þeirra beggja er að improv festi sig virkilega í sessi hérlendis, líkt og það hefur gert erlendis. Í mörgum af stærstu borgum Bandaríkjanna eru víðþekktir spunahópar. Margir af þekktustu grínistum heims hófu feril sinn í spunaleikhúsi, má þar nefna Will Ferrell, Tinu Fey, Ed Helms, Aubrey Plaza, Kristen Wiig, Steve Carrell og Donald Glover. „Þegar ég var að byrja með þetta sögðu margir í kringum mig: „Já, þetta er svona skemmtileg bóla sem er í gangi núna.“ Alls staðar annars staðar hefur það verið starfandi og gengið vel í tugi ára. Þannig að ég var alltaf að vona að það reyndist ekki rétt og núna fimm árum síðar er maður farinn að trúa að þetta sé alls ekki bóla,“ segir Dóra, Guðmundur er sammála um að viðhorfið til spunans sé smátt og smátt að breytast. „Úti í heimi er improvið smá rót alls góða grínsins sem er í gangi. Ég finn fyrir að það sé líka að byrja að gerast hérna heima. Maður sér að fólk sem kemur úr Improv Ísland er byrjað að hafa áhrif í grínsenunni,“ segir Guðmundur. Halda sér í æfingu Allir þurfa að fara í prufur á hverju leikári hjá hópnum. Dæmi eru um að einstaklingar detti inn og út en komi svo aftur að ári og reyni á nýjan leik. „Við viljum halda þessu lifandi, þannig að þetta sé alltaf ferskasti spunahópurinn. Þetta er smá eins og í íþrótt, maður þarf að æfa sig stanslaust og alltaf í æfingu. Svo eigum við eigum öll það sameiginlegt að við nærumst á hlátrinum,“ segir Guðmundur. Fyrsta sýning haustsins hjá Improv Íslands er í kvöld, en miðar fást á tix.is og við hurð. Hópurinn er svo með sýningu vikulega í vetur, alltaf á miðvikudögum í Þjóðleikhúskjallaranum. Birtist í Fréttablaðinu Leikhús Mest lesið Fjórar dýrindis diskósúpur úr hráefnum sem annars hefði verið hent Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Magnús Árni selur sögufrægt hús með kastalaturni Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Una Torfadóttir með sína útgáfu af Bubbalagi frá 1998 Lífið Fleiri fréttir Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Sjá meira
Dóra Jóhannsdóttir leikkona stofnaði Improv Ísland fyrir fimm árum. Hún kynntist Guðmundi Felixsyni fyrir sex árum, þegar hann heimsótti New York. Dóra viðraði þá hugmynd sína um að stofna improv-hóp hérlendis, en spunaleikhúsið er gífurlega vinsælt í New York. Fimmta leikár Improv Ísland hefst í kvöld í Þjóðleikhúskjallaranum.Leyfði þeim ekki að sýna strax „Ég var ein að kenna fyrst um sinn og leyfði þeim ekki að sýna. Fyrst voru þetta bara námskeið. Fyrsta sýningin var ekki fyrr en einu eða tveimur árum eftir að við byrjuðum,“ segir Dóra. Hún segist hafa verið stressuð yfir að sýna og að fólki þætti þetta glatað og kæmi ekki aftur. „Ég vildi að þau myndu æfa sig og verða góð. Svo þegar mér fannst þau vera orðin góð, þá leyfði ég þeim loksins að sýna,“ segir Dóra. „Ég hef verið listrænn stjórnandi hópsins frá upphafi, sem er smá eins og leikstjóri. Núna ákvað ég að stíga til hliðar og leyfa einhverjum ungum og upprennandi eins og Gumma að taka við,“ en það er Guðmundur Felixson sviðshöfundur sem tekur við af Dóru. Spunamamma verður spunapabbi Dóra segir improv vera grasrótarhreyfingu sem er og verður eiginlega alltaf slík. „Við erum eiginlega að ala upp unga grínista. Það er alltaf að koma nýtt og nýtt fólk í hópinn. Þetta er og verður alltaf smá hrátt, það er alltaf ný sýning. Við erum aldrei að gera það sama. Svo langaði mig líka til að setja frá mér þessa ábyrgð til þess að geta skemmt mér og spunnið á sviðinu.“ Dóra mun því áfram taka þátt í sýningum, en þá undir listrænni stjórn Guðmundar.Er það ekkert stressandi hlutskipti fyrir Guðmund, að fara nú að segja nokkurs konar lærimeistara sínum í faginu til? „Nú er ég tekinn við, sem er mjög skrýtið en líka mjög skemmtilegt. Dóra hefur náttúrulega verið smá eins og spunamamma okkar allra síðasta hálfa áratuginn. Nú þarf ég að vera spunapabbi allra vina minna sem hafa margir verið jafn lengi í þessu og ég,“ svarar Guðmundur hlæjandi. Þau eru bæði sammála um að partur af spunanáminu sé líka að læra að taka gagnrýni. „Maður lærir að taka egóið út fyrir samhengið. Þetta er bara tækni,“ segir hann. Ekki bara bóla Von þeirra beggja er að improv festi sig virkilega í sessi hérlendis, líkt og það hefur gert erlendis. Í mörgum af stærstu borgum Bandaríkjanna eru víðþekktir spunahópar. Margir af þekktustu grínistum heims hófu feril sinn í spunaleikhúsi, má þar nefna Will Ferrell, Tinu Fey, Ed Helms, Aubrey Plaza, Kristen Wiig, Steve Carrell og Donald Glover. „Þegar ég var að byrja með þetta sögðu margir í kringum mig: „Já, þetta er svona skemmtileg bóla sem er í gangi núna.“ Alls staðar annars staðar hefur það verið starfandi og gengið vel í tugi ára. Þannig að ég var alltaf að vona að það reyndist ekki rétt og núna fimm árum síðar er maður farinn að trúa að þetta sé alls ekki bóla,“ segir Dóra, Guðmundur er sammála um að viðhorfið til spunans sé smátt og smátt að breytast. „Úti í heimi er improvið smá rót alls góða grínsins sem er í gangi. Ég finn fyrir að það sé líka að byrja að gerast hérna heima. Maður sér að fólk sem kemur úr Improv Ísland er byrjað að hafa áhrif í grínsenunni,“ segir Guðmundur. Halda sér í æfingu Allir þurfa að fara í prufur á hverju leikári hjá hópnum. Dæmi eru um að einstaklingar detti inn og út en komi svo aftur að ári og reyni á nýjan leik. „Við viljum halda þessu lifandi, þannig að þetta sé alltaf ferskasti spunahópurinn. Þetta er smá eins og í íþrótt, maður þarf að æfa sig stanslaust og alltaf í æfingu. Svo eigum við eigum öll það sameiginlegt að við nærumst á hlátrinum,“ segir Guðmundur. Fyrsta sýning haustsins hjá Improv Íslands er í kvöld, en miðar fást á tix.is og við hurð. Hópurinn er svo með sýningu vikulega í vetur, alltaf á miðvikudögum í Þjóðleikhúskjallaranum.
Birtist í Fréttablaðinu Leikhús Mest lesið Fjórar dýrindis diskósúpur úr hráefnum sem annars hefði verið hent Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Magnús Árni selur sögufrægt hús með kastalaturni Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Una Torfadóttir með sína útgáfu af Bubbalagi frá 1998 Lífið Fleiri fréttir Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Sjá meira