Óttar Magnús lánaður til Trelleborg

Unglingalandsliðsmaðurinn Óttar Magnús Karlsson skipti um félag í morgun er hann var lánaður til sænska úrvalsdeildarliðsins Trelleborg.

Óttar Magnús hefur verið á mála hjá norska liðinu Molde en norska liðið lánar hann til Svíþjóðar í eitt ár.

Leikmaðurinn er alinn upp hjá Víkingi og gekk ungur að árum í raðir Ajax. Hann kom svo aftur heim í Víking áður en hann hélt til Noregs.

„Óttar er réttur leikmaður fyrir okkur. Líkamlega sterkur og með góða tækni. Hann skorar mörk og er hugrakkur fyrir framan markið,“ segir Patrik Winkvist, þjálfari liðsins.

Sænska deildin hefst þann 1. apríl og Trelleborg byrjar á því að spila heima við IFK Göteborg.

Óttar Magnús Karlsson klar för Trelleborgs FFhttps://t.co/dyU5h7V9kDpic.twitter.com/x6jVt4idLl

— Skånesport (@skanesportse) February 28, 2018