Fílar lokuðu hraðbraut á Spáni

Loka þurfti hraðbraut á suðurhluta Spánar um tíma vegna þess að fimm fílar höfðu sloppið úr bíl sem lent hafði í árekstri. Einn fílanna lést af sárum sem hann hlaut í slysinu en tveir aðrir meiddust samkvæmt lögreglu á svæðinu. Lyfta þurfti meiddu fílunum með krana til þess að koma þeim af hraðbrautinni.

Atvikið átti sér nærri Albacete á Spáni seinnipart mánudags. Ökumaður bílsins sem lenti í slysinu slasaðist ekki. Lögregla á svæðinu birti myndir af þremur af fílunum fimm gangandi um á hraðbrautinni eftir slysið. Ekki er vitað um tildrög slyssins að svo stöddu og er það til rannsóknar.

Fílarnir fjórir sem lifðu af eru í góðu yfirlæti og verða það áfram þangað til hægt er að flytja þá í burtu.

Se está procediendo a la asistencia y evacuación de los elefantes heridos en el accidente que ha tenido lugar en Albacete. De los cinco paquidermos hay uno muerto y dos heridos. En breve de restablecerá la circulación en la A-30 en el pk 22/23. pic.twitter.com/fhGypNDYGm

— Gregorio Serrano (@Gserrano_DGT) April 2, 2018