Stjörnuspá Siggu Kling – Nautið: Leyfðu þér að vera í öllum tilfinningaskalanum

Elsku Nautið mitt, þú ert svo viljasterkt en samt svo ósveigjanlegt og vilt alls ekki gefa eftir á skoðunum þínum, en þegar þú ákveður að breyta lífi þínu er eins og það sé gamlárskvöld eða 4. júlí, ekkert nema flugeldar.

Það er ekki veikleiki að vera viðkvæmur svo leyfðu þér að vera í öllum tilfinningaskalanum. Það er búið að vera svo mikið að gerast, svo þig langar svo að hreinsa og taka til, eins og þú sért að fara yfir allt þetta gamla og brosa yfir hlutum sem fengu þig til að gráta áður fyrr og þú sættir þig svo sannarlega við lífsferilinn þinn.

Þessi mánuður sem þú ert að fara inn í getur valdið þér miklum áhyggjum sem þú veist ekki hvaðan koma eða orsök þeirra sem er bara ótti fyrir framtíðinni sem alls ekki komin svo leyfðu þér að slaka á í síðasta sumarmánuðinum og gerðu einfalda hluti, lestu góða bók, hlustaðu á uppáhalds tónlistina og chillaðu bara því það mun færa þér það sem þú vilt, til dæmis að tengjast betur þeim sem þú elskar – þessi tími kemur aldrei aftur.

Þú ert snillingur í að tala og fá alla á þitt band, um leið og þú skilur að þetta er þín náðargáfa þá auðveldlega gengur allt upp hjá þér, vertu vitur og fagur í orðum það er lykillinn að nýja lífinu þínu. Ef þú ert á lausu og vilt ástina og steinhætta að óttast höfnun, því ævintýri gerast án áhættu.

Fræg Naut: Aron Einar Gunnarsson fyrirliði íslenska knattspyrnulandsliðsins, Hannes Þór Halldórsson markvörður, Ari Freyr Skúlason landsliðsmaður, Svali Kaldalóns fjölmiðlamógúll, Guðrún Veiga Guðmundsdóttir, rithöfundur og latikokkur, Ellý Ármanns fjölmiðlakona, Friðrik Þór Friðriksson leikstjóri, Valtýr Björn Valtýsson íþróttafréttamaður, Ólafur Ragnar Grímsson, Álfheiður Ingadóttir þingkona, Halldór Laxness, rithöfundur og skáld, Rúnar Freyr Gíslason leikari, Garðar Thor Cortes söngvari, Helga Möller söngkona, Katrín Tanja Davíðsdóttir crossfit-meistari, Nanna Bryndís Hilmarsdóttir söngkona, Pétur Jóhann Sigfússon, Addi Exos dj-snillingur, Davíð Rúnar Bjarnason, boxari, Þórunn Pálsdóttir fasteignasali.