Björgvin fimmti í áttundu grein

Björgvin Karl Guðmundsson varð fimmti í áttundu grein alþjóðlega CrossFit mótsins í Dúbaí og fara möguleikar hans á sigri í mótinu dvínandi.

Björgvin Karl var í þriðja sæti fyrir lokadaginn í dag og komst upp í annað sætið eftir sjöundu greinina, fyrstu grein dagsins.

Hann varð fimmti með æfingu átta á tímanum 2:55 mín. Mathew Fraser vann hins vegar greinina, eins og sjöundu greinina í morgun, og jók því forskot sitt á Björgvin.

Björgvin þarf að treysta á að Fraser misstígi sig í síðustu tveimur greinunumn til þess að vinna upp 77 stiga forskot Bandaríkjamannsins.

Ragnheiður Sara Sigmundsdóttir er dottin niður í fjórða sætið í kvennakeppninni en hún varð sjöunda í áttundu æfingunni.

Samantha Briggs vann áttundu greinina og tók efsta sætið í heildarkeppninni. Hún er með 670 stig, 55 stigum meira en Sara. Karin Frey frá Slóvakíu varð þriðja í greininni og komst upp fyrir Söru.

Oddrún Eik Gylfadóttir varð fjórða í æfingu átta og heldur sér í 11. sæti keppninnar.

Björgvin Karl Guðmundsson

1. grein: 4. sæti (85 stig)

2. grein: 4. sæti (85 stig)

3. grein: 7. sæti (73 stig) - var í 2. sæti með 243 stig

4. grein: 6. sæti (75 stig) - var í 3. sæti með 318 stig

5. grein: 2. sæti (95 stig) - var í 3. sæti með 418 stig

6. grein: 5. sæti (80 stig) - var í 3. sæti með 493 stig

7. grein: 4. sæti (85 stig) - var í 2. sæti með 578 stig

8. grein: 5. sæti (80 stig) - er í 2. sæti með 658 stig

Ragnheiður Sara Sigmundsdóttir

1. grein: 1. sæti (100 stig)

2. grein: 16. sæti (55 stig)

3. grein: 9. sæti (69 stig) - var í 6. sæti með 224 stig

4. grein: 9. sæti (69 stig) - var í 4. sæti með 293 stig

5. grein: 2. sæti (95 stig) - var í 4. sæti með 388 stig

6. grein: 4. sæti (85 stig) - var í 3. sæti með 473 stig

7. grein: 9. sæti (69 stig) - var í 3. sæti með 542 stig

8. grein: 7. sæti (73 stig) - er í 4. sæti með 615 stig

Oddrún Eik Gylfadóttir

1. grein: 15. sæti (57 stig)

2. grein: 8. sæti (71 stig)

3. grein: 8. sæti (71 stig) - var í 9. sæti með 199 stig

4. grein: 26. sæti (40 stig) - var í 13. sæti með 239 stig

5. grein: 4. sæti (85 stig) - var í 9. sæti með 324 stig

6. grein: 21. sæti (45 stig) - var í 12. sæti með 369 stig

7. grein: 13. sæti (61 stig) - var í 11. sæti með 430 stig

8. grein: 4. sæti (85 stig) - er í 11. sæti með 515 stig