Erlent

Hundruð úr hópi förufólksins hafa náð landamærunum

Atli Ísleifsson skrifar
Búist er við að um fimm þúsund einstaklingar frá Mið-Ameríkuríkjum muni ná landamærunum á föstudaginn eftir um mánaðarlangt ferðalag.
Búist er við að um fimm þúsund einstaklingar frá Mið-Ameríkuríkjum muni ná landamærunum á föstudaginn eftir um mánaðarlangt ferðalag. AP/Gregory Bull
Nokkur hundruð úr hópi förufólksins sem hafa farið fótgangandi frá ríkjum í Mið-Ameríku í átt að Bandaríkjunum síðustu vikurnar hafa náð landamærum Mexíkó og Bandaríkjanna.

Bandariskir fjölmiðlar greina frá því að um átta hundruð hafi nú náð til mexíkósku borgarinnar Tijuana í norðri. Handan landamæranna hefur bandaríski varnarmálaráðherrann Jim Mattis heimsótt þá þúsundir bandarísku hermanna sem Donald Trump hefur sent á vettvang vegna förufólksins.

Hópur sem hafðist við nærri girðingunni á landamærunum milli ríkjanna í dag hrópuðu ítrekað: „Við erum ekki glæpamenn!“. Meirihluti förufólksins er enn á gangi í Mexíkó og hafa margir nýtt sér þjónustu langferðabíla sem kaþólskur prestur hefur útvegað.

Búist er við að um fimm þúsund einstaklingar frá Mið-Ameríkuríkjum muni ná landamærunum á föstudaginn eftir um mánaðarlangt ferðalag.


Tengdar fréttir

Hundruðir halda áfram ferð sinni að landamærunum

Um fimm hundruð flóttamanna héldu í dag frá Mexíkóborg í átt að landamærum Bandaríkjanna. Þúsundir bíða enn færis til þess að komast yfir. Hópurinn byrjaði á því að taka neðanjarðarlest nyrst í borgina og fóru svo gangandi með fram hraðbraut í lögreglufylgd.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.