Byrjunarliðið gegn Frökkum: Rúnar Alex í markinu

Rúnar Alex Rúnarsson byrjar í marki Íslands gegn heimsmeisturum Frakka. Kári Árnason snýr aftur í vörnina.

Ísland stillir upp í 4-5-1 leikkerfi með Alfreð Finnbogason fremstan. Gylfi Þór Sigurðsson er fyrir aftan hann í sinni bestu stöðu.

Arnór Ingvi Traustason fær að reyna fyrir sér á vinstri kantinum og fyrir aftan hann er Birkir Már Sævarsson, maður sem venjulega er í hægri bakverðinum en ekki þeim vinstri.

Í hægri bakverðinum er Hólmar Örn Eyjólfsson og Kári Árnason snýr aftur í miðvörðinn í stað Sverris Inga Ingasonar.

Birkir Bjarnason og Rúnar Már Sigurjónsson eru á miðsvæðinu og Jóhann Berg Guðmundsson á vinstri kantinum.

Leikur Frakklands og Íslands byrjar klukkan 19:00 og er í beinni útsendingu á Stöð 2 Sport.

This is how we line up against France tonight! #fyririslandpic.twitter.com/P3Y8i2N7Pl

— Knattspyrnusambandið (@footballiceland) October 11, 2018