Lífið

Kelly Clarkson mætti óvænt og brúðurin gat ekki hætt að gráta

Stefán Árni Pálsson skrifar
Falleg stund þegar nýgiftu hjónin tóku fyrsta dansinn.
Falleg stund þegar nýgiftu hjónin tóku fyrsta dansinn.
Sveitin Maroon 5 fór á dögunum af stað með nýja þáttaröð sem sýnd er á YouTube-síðu sveitarinnar.

Í fyrsta þættinum fóru meðlimir sveitarinnar í 18 ára afmæli Kate og komu henni á óvart með því að troða upp í teitinu hennar.

Þættirnir á YouTube ganga út á það að frægir mæta óboðnir í veislur og koma aðdáendum sínum á óvart. Á dögunum var komið að söngkonunni Kelly Clarkson sem þræddi brúðkaup með mjög góðum viðbrögðum aðdáanda.

Clarkson mætti meðal annars þegar nýgiftu brúðhjónin dönsuðu fyrsta dansinn og söng hún lagið fræga Piece by Piece og brúðhjónin hreinlega réðu ekki við tilfinningar sínar er þau sáu söngkonuna.






Fleiri fréttir

Sjá meira


×