Lögregluþjónar björguðu uglu upp úr loftræstistokk

Tveir lögregluþjónar á Suðurnesjum björguðu uglu upp úr loftræstistokk byrgis sem staðsett er á svæðinu.

Aðili sem hafði verið að viðra hundinn sinn við Patterson flugvöll veitti því athygli að það vantaði hatt á stokkinn. Síðan kom í ljós að ugla var föst ofan í.

Sá kallaði til lögreglu sem mætti á vettvang og bjargaði uglunni úr prísundinni. Lögreglumennirnir útbjuggu þar til gerða uglukörfu úr gamalli plastkörfu og tveimur rafmagnsvírum sem fundust við byrgið.

Myndband náðist af atvikinu sem sjá má hér.