Míla afléttir óvissustigi á Suðurlandi

Míla hefur aflétt óvissustigi á Suðurlandi vegna Skaftárhlaups. Þetta kemur fram í tilkynningu frá Mílu en hlaupið er nú í rénun og rennsli Skaftár fer mjög minnkandi.

Ekki er talið að hlaupið geti haft áhrif á fjarskiptainnviði á svæðinu nema ef vatnsrennsli eykst á ný.

Míla lýsti yfir óvissustigi á Suðurlandi vegna Skaftárhlaups á föstudag og var viðbúið að hlaupið gæti haft áhrif á fjarskiptasambönd. Strengjakerfi Mílu liggja um vatnasvæði Skaftár.