Stjörnuspá Siggu Kling – Vogin: Leyfðu fleirum að njóta orkunnar þinnar

Elsku Vogin mín, þú hefur þá sérstöku hæfileika að gera umhverfi þitt svo þægilegt og dásamlegt hvort sem tengt er vinnu eða heimili. Þú laðar að þér svo ólíkar persónur og ert skemmtilegasti vinur sem hægt er að fá. En svo áttu það til að detta í þráhyggju, þú þurfir að klára hitt eða þetta og gleymir öllu öðru. Fjölskyldan sé í fyrirrúmi, bygging á sumarbústað, klífa fjöll eða hvað sem er sem heltekur hug þinn.

Skoðaðu svolítið það gamla, hvað var fyrir tveimur árum og svo framvegis? Þú getur gert svo miklu meira en hugur þinn segir þér, það er til sími og það tekur þig andartak að tengja þig aftur við hið gamla.

Þú ert svo tilfinningamikil týpa að þú átt það til að halda þú sért ástfangin upp fyrir haus og að ekkert geti breytt þeirri tilfinningu, en þetta er vegna þess að  þú hefur svo ævintýraríkan heila sem gerir það að að sjálfsögðu að verkum að þú ert mest spennandi merkið.

Leyfðu fleirum að njóta orkunnar þinnar, hugmynda þinna og ástríðu, sérstaklega á þessu seinnipartsári, þú verður að skilja þú getur svo margt í einu og næstu mánuðir gefa þér þann sannfæringarkraft í sálina að þú getir fengið alla til að styðja þig, hvort sem það eru lögfræðingar, starfsmenn í banka eða einhver sem þú ert skotin í.

Þú hefur svo mikinn kraft til að byggja gott fjölskyldulíf og það er mikilvægt þú skoðir það að búa úti á landi eða að minnsta kosti hafa pláss fyrir sjálfa þig, þinn eigin inngang að heimilinu, því sameign og allt sameiginlegt fer rosalega í taugarnar á þér. Þegar þú verður reið eða pirruð út í persónur í kringum þig þá kemst ekkert annað að.

Skilaboðin til þín eru, beint úr myndinni Frozen eru: „Let it go“ – Finndu þér stað þú skynjar sé þinn, þú getur verið eins og þú vilt og slepptu.

Frægir í Voginni: Kári Árnason landsliðsmaður, Glúmur Baldvinsson stjórnmálafræðingur, Hjalti flugþjónn, Ingi í Sign, Jón Axel Ólafsson athafnamaður, Matt Damon leikari, Íris Berg, fatahönnuðurinn minn, Mary Poppins, Svanhildur Hólm Valsdóttir, aðstoðarmaður ráðherra og sjónvarpskona, Hanna Birna Kristjánsdóttir, Lilja Dögg Alfreðsdóttir alþingiskona, Ósk Gunnarsdóttir útvarpskona, María Einarsdóttir ritari stjörnuspánnar, Arnþrúður Karlsdóttir útvarp Saga, Skúli Mogensen, Hulda Hólmkelsdóttir fréttakona, Walter Matthau, Olavia Newton John, Ragga Gísla, Steinn Steinarr, Margret Thatcher, Ragnheiður Elín Árnadóttir, hinn mikli meistari.