Stjörnuspá Siggu Kling – Steingeitin: Mögnuð þrjú ár framundan

Elsku Steingeitin mín, þú ert sko sterkasti karakterinn sem ég þekki, en að vera svona sterkur gefur þér líka marga veiklundaða punkta og þessir punktar fá þig til þess að berjast við sjálfan þig því þér finnst þú ekki eins fullkominn og þú vilt vera.

Mikið ótrúlega finnst mér leiðinlegt fólk sem er fullkomið, svo kannski þarftu að skoða að efla þína sterku punkta og bara sættast við hina? Um leið og þú gerir þetta finnurðu frið í hjartanu þínu og ekkert mun stoppa þig, það er ekki hægt að vera sú persóna að öllum líki vel við sig, svo láttu það fólk flakka sem dregur þig niður og er ekki á sömu tíðni og þú. Þegar þér finnst að einhver sé að stjórna þér og þér líður illa þarftu að segja NEI með stórum stöfum, ekki svara símanum og jafnvel að blokka sumt fólk .

Þú ert að fara inn í svo merkilega tíma þó þú sjáir alls ekki hvað er að gerast, seinniparturinn á þessu ári er að byggja þig upp fyir svo magnaða tíma sem munu ríkja í lífi þínu í þrjú ár. Það er oft svo erfitt fyrir mig að segja þér bara hvað er að gerast næsta mánuð, því mánuður gerist á svipstundu svo þessvegna er ég með þessi skilaboð til þín. Að sjálfsögðu hefurðu fengið þinn skerf af mótlæti og örðugleikum,en akkúrat á næstu mánuðum muntu þakka fyrir það því erfiðið, uppskerutíminn er að verða þinn.

Þú verður svo sanarlega ekki útundan í happdrætti lífsins og sigurstundin er skammt undan, þú hefur þann kraft að hugsa, ég vil, ég get, ég skal og ekkert skal stoppa mig.

Eftir því sem haustið nálgast sérðu betur hvaða kraft þú hefur, og ef þú ert á lausu elsku hjartað mitt muntu skynja það strax ef ástin er raunveruleg og sönn. Ef þér finnst of mikið vesen í tengingu við ástina skaltu draga þig tilbaka og skoða betur. Ástin er eins og vinátta, eitthvað sem umvefur þig og lætur líta  vel og vekur öryggi. Engir leikir eða vesen tengjast ástinni, svo í hjarta þínu veistu hvað er rétt.

Frægar Steingeitur: Guðjón Pétur Lýðsson markakóngur, Svava Johansen í Sautján, Ingibjörg Sólrún Gísladóttir, dr. Kristín Ólafsdóttir og Davíð Oddsson, Jón Gnarr, Elvis Presley, Gunnar Þórðarson, Tómas Guðbjartsson læknahetja, Lovísa Tómas, Dorrit Moussaieff forsetafrú, Þuríður Blær Jóhannsdóttir, leikkona og Reykjavíkurdóttir, Jesús og Simmi á Fabrikkunni, Óttar Proppé, Ingveldur Ægissdóttir módir og kvunndagshetja, Hendrika Waage hönnuður, Laddi, Jóhann K. Jóhannsson fréttamaður.