Þyrlan sótti slasað fólk eftir bílslys nærri Vatnsdalshólum

Fjórir slösuðust í hörðum árekstri á þjóðvegi 1 vestan við Vatnsdalshóla í kvöld. Þyrla Landhelgisgæslunnar fluttir þrjá þeirra á sjúkrahús í Reykjavík.

Samkvæmt frétt Ríkisútvarpsins átti slysið sér stað nærri afleggjara að uppsölum, rétt vestan við Vatnsdalshóla um hálf sex leytið í kvöld. Fjórir hafi slasast en fólkið hafi allt verið með meðvitund og vel áttað.

Þyrla Landhelgisgæslunnar sótti fólkið á flugvöllinn á Blönduósi og lenti við Landspítalann í Fossvogi upp úr klukkan hálf níu í kvöld, samkvæmt upplýsingum Gæslunnar. Ekki er ljóst hversu alvarleg meiðsl fólksins eru.