Sjáðu magnað mark Katrínar gegn Stjörnunni

Katrín Ómarsdóttir skoraði stórbrotið mark í leik KR og Stjörnunnar í Pepsi deild kvenna í gær.

Boltinn kom til Katrínar inn á teignum upp úr föstu leikatriði, hún lyfti honum upp í loft með fyrstu snertingu og ákvað að fara í bakfallsspyrnu. Hitti boltann frábærlega, beint í marknetið. 

Markið gerði lítið fyrir KR sem var 3-0 undir þegar markið kom og tapaði leiknum 4-2 en er klárlega eitt af mörkum sumarsins.

KR er á botni Pepsi deildar kvenna með aðeins þrjú stig, liðið hefur aðeins unnið einn af fyrstu sjö leikjum sínum. Stjarnan á hins vegar enn möguleika á því að blanda sér í toppbaráttuna.

Þetta stórbrotna mark má sjá í sjónvarpsglugganum hér að ofan.