Oddný segir Katrínu áhrifalausa í ríkisstjórninni Sylvía Hall skrifar 4. júní 2018 19:36 Oddný kallaði meðal annars eftir aðgerðum í loftslagsmálum og nýju stjórnarskránni í ræðu sinni í kvöld. Vísir/Stefán Oddný Harðardóttir, þingflokksformaður Samfylkingarinnar, vandaði ekki forsætisráðherra og ríkisstjórninni kveðjurnar í eldhúsdagsumræðum á Alþingi í kvöld. Hún gagnrýndi stuðning hennar við embættisfærslur dómsmálaráðherra og lækkun veiðigjalda og sagði að síðastliðna mánuði hefði málast upp skýr mynd af ríkisstjórninni sem bandalagi um sérhagsmuni. Einnig sagði hún forsætisráðherra vera „áhrifalausa“ í ríkisstjórn sinni. Í ræðu sinni benti Oddný á að Katrín Jakobsdóttir, forsætisráðherra, hefði gagnrýnt síðustu ríkisstjórn harðlega fyrir þá bið sem öryrkjar og aldraðir þurftu að sæta á meðan auðmenn virtust hafa forgang. Annað sé uppi á teningnum í dag og að núverandi ríkisstjórn hafi brugðist hratt við kalli útgerðarmanna og rétti þeim tæpa þrjá milljarða þrátt fyrir að líða engan skort. „Þetta er sláandi því sjávarútvegsfyrirtæki landsins hafa hagnast um 300 milljarða króna á síðustu átta árum. Fyrirtækin hafa greitt eigendum sínum tugi milljarða í arð á sama tíma og veiðigjöld hafa lækkað mikið.“Stjórnvöld vilja ekki jafna leikinn Oddný sagði ríkisstjórnina ekki taka afstöðu með þeim sem minnst hafa á milli handanna og að ójöfnuður færi vaxandi hér á landi, hvort sem væri litið til tekna eða eigna. Tíu prósent þjóðarinnar ættu nær helming hreinnar eignar sem varð til árið 2016 og þetta væri óheillaþróun sem ýti undir ósætti í samfélaginu. Hún sagði ríkisstjórnina greinilega ekki ætla sér að „jafna leikinn“ á kjörtímabilinu: „Ef stjórnvöld vildu í alvöru jafna leikinn, ef ríkisstjórn Katrínar Jakobsdóttur vildi draga úr ójöfnuði, þyrfti hún að beita bæði skatta- og bótakerfinu í þá veru. Fleiri skattþrep, hærri persónuafsláttur, þrepaskiptur fjármagnstekjuskattur og stóreignaskattur á umtalsverðar eignir, slá á ójöfnuð. Aukið vægi barnabóta og húsnæðisbóta eru önnur mikilvæg jöfnunartæki sem stjórnvöld geta beitt.“Segir forsætisráðherra koma engu í gegnum ríkisstjórnina Í ræðu sinni vísaði Oddný í orð Katrínar frá eldhúsdagsumræðum síðasta árs þar sem Katrín talaði um róttækar breytingar á skattkerfinu og að tryggja þyrfti að arður auðlinda myndi renna til þjóðarinnar. Oddný sagðist vera innilega sammála því og það hryggði hana að sjá áhrifaleysi Katrínar í sinni eigin ríkisstjórn. Hún kæmi engu í gegn nema „málamyndabreytingum“ á fjármagnstekjuskatti sem hefði lítinn ávinning fyrir ríkissjóð. Því næst beindi hún spjótum sínum að Bjarna Benediktssyni, fjármálaráðherra, og sagði hann tala um norræna velferð sem bótavæðingu. Hann hafni hærri sköttum á auðmenn og á meðan sitji forsætisráðherra hjá: „Hann heldur sig við fjármálaáætlunina og segir að hærri skattur á auðmenn komi ekki til greina. En forsætisráðherrann veltir vöngum og talar óljóst um eitthvað annað, án þess þó að slá á fingur fjármálaráðherrans.”Ríkisstjórnin metnaðarlaus í loftslagsmálum og störf hennar óljós Oddný sagði ekki hægt að vita með vissu hvert ætlunarverk ríkisstjórnarinnar væri og að ráðherrar töluðu „út og suður“. Hún benti á að stærsta verkefni mannkyns væri að finna leiðir gegn hlýnun jarðar og sagði metnaðarleysi ríkisstjórnarinnar í þeim málum vera áhyggjuefni. Útlit væri fyrir að Ísland myndi ekki standa við skuldbindingar sínar í þeim málum og þyrfti því að kaupa losunarheimildir á alþjóðamarkaði. Það væri ekki einungis fjárhagslegt tjón fyrir ríkið, heldur einnig ímyndartjón fyrir þjóðina. „Við höfum stært okkur af orkuskiptum við húshitun og endurnýjanlegum orkugjöfum í okkar hreina fallega Íslandi. Sú ímynd er á hröðu undanhaldi.” Hún sagði ríkisstjórnina verða að koma fram með raunhæfar lausnir gegn bensín- og dísilnotkun hérlendis og nauðsynlegt væri að ríkið myndi styðja við uppbyggingu almenningssamgangna. Oddný endaði ræðu sína á því að undirstrika helstu baráttumál Samfylkingarinnar og krafðist úrbóta af hálfu ríkisstjórnarinnar. Hún kallaði eftir aðgerðum gegn ójöfnuði, sanngjarnara skattkerfi og nýju stjórnarskránni. „Við í Samfylkingunni köllum eftir meiri metnaði í aðgerðum stjórnvalda í loftlagsmálum. Við köllum einnig eftir raunverulegum aðgerðum sem auka jöfnuð og bæta kjör þeirra sem minnst hafa. Við köllum eftir sanngjarnara skattkerfi sem stendur undir velferðarsamfélagi sem er fyrir alla og að enginn verði skilinn eftir. Við köllum eftir nýju stjórnarskránni með auðlindaákvæði sem ver þjóðina fyrir bandalagi um sérhagsmuni.“ Alþingi Mest lesið Öryggismyndavélar í svefnherberginu og fyrsta útgáfa af Lolitu á skrifstofunni Erlent Hvarf fyrir tæpum þrjátíu árum og fannst í hopandi jökli Erlent Dánarorsök Ozzy Osbourne ljós Erlent Segir Höllu ekki skilja um hvað málið snýst Innlent Segja Rafmennt auglýsa nöfn sín í blekkingarskyni Innlent Fjarlægði nöfnin strax: „Ætlumst ekki til neins af þessu fólki“ Innlent Hvar á að grípa niður í fækkun innflytjenda? Innlent Hættir að fjármagna þróun mRNA bóluefna Erlent Segja upp og draga úr útgáfu: Óvissan í rekstrinum „því miður aukist mikið“ Innlent Greina ekki frá tilkynntum kynferðisbrotum á Þjóðhátíð strax Innlent Fleiri fréttir Svartaþoka gerir þyrlusveit í útkalli erfitt fyrir Innkalla sælgæti vegna köfnunarhættu Fjarlægði nöfnin strax: „Ætlumst ekki til neins af þessu fólki“ Öryggissérfræðingur hefur trú á boðuðum aðgerðum í Reynisfjöru Segir Höllu ekki skilja um hvað málið snýst Færa sig í Kringluna vegna bílastæðaskorts og framkvæmda Tollastríð, makríll og flutningur Blóðbankans Greina ekki frá tilkynntum kynferðisbrotum á Þjóðhátíð strax Segja Rafmennt auglýsa nöfn sín í blekkingarskyni Sektaður vegna kýr sem drapst á leið í sláturhús Minnsti þéttleiki makríls síðan 2010 Tveir skjálftar yfir þrír að stærð Hvar á að grípa niður í fækkun innflytjenda? Blóðbankinn á leið í Kringluna Nokkuð um hávaðaútköll Segja upp og draga úr útgáfu: Óvissan í rekstrinum „því miður aukist mikið“ Lax ofan Stuðlagils gæti hafa veiðst lengst frá sjó á Íslandi Til skoðunar að hafa mannskap við vöktun í Reynisfjöru Herða öryggisreglur eftir slysið: „Þetta hafa verið mjög erfiðir dagar“ Flugeldum kastað að fólki á Akureyri Handtekin fyrir ölvunarakstur eftir grænt ljós frá löggunni Ráðstafanir í Reynisfjöru, tollar og lax á sjaldséðum slóðum Boðar fund um tolla Trumps og ESB Rauða ljósið mun blikka fyrr Enn má búast við gosmóðu þó eldgosinu sé lokið í bili Flutti lítra af kókaínvökva til landsins gegn greiðslu „Samstaða skapar samfélag“ er þema Hinsegin daga Strangari reglur og ný gjaldskrá til að „tempra kraftmikla fólksfjölgun“ Neyddur til að taka ketamín og sjónvarpi kastað í höfuð hans Tollar Trumps muni hafa tilætluð áhrif Sjá meira
Oddný Harðardóttir, þingflokksformaður Samfylkingarinnar, vandaði ekki forsætisráðherra og ríkisstjórninni kveðjurnar í eldhúsdagsumræðum á Alþingi í kvöld. Hún gagnrýndi stuðning hennar við embættisfærslur dómsmálaráðherra og lækkun veiðigjalda og sagði að síðastliðna mánuði hefði málast upp skýr mynd af ríkisstjórninni sem bandalagi um sérhagsmuni. Einnig sagði hún forsætisráðherra vera „áhrifalausa“ í ríkisstjórn sinni. Í ræðu sinni benti Oddný á að Katrín Jakobsdóttir, forsætisráðherra, hefði gagnrýnt síðustu ríkisstjórn harðlega fyrir þá bið sem öryrkjar og aldraðir þurftu að sæta á meðan auðmenn virtust hafa forgang. Annað sé uppi á teningnum í dag og að núverandi ríkisstjórn hafi brugðist hratt við kalli útgerðarmanna og rétti þeim tæpa þrjá milljarða þrátt fyrir að líða engan skort. „Þetta er sláandi því sjávarútvegsfyrirtæki landsins hafa hagnast um 300 milljarða króna á síðustu átta árum. Fyrirtækin hafa greitt eigendum sínum tugi milljarða í arð á sama tíma og veiðigjöld hafa lækkað mikið.“Stjórnvöld vilja ekki jafna leikinn Oddný sagði ríkisstjórnina ekki taka afstöðu með þeim sem minnst hafa á milli handanna og að ójöfnuður færi vaxandi hér á landi, hvort sem væri litið til tekna eða eigna. Tíu prósent þjóðarinnar ættu nær helming hreinnar eignar sem varð til árið 2016 og þetta væri óheillaþróun sem ýti undir ósætti í samfélaginu. Hún sagði ríkisstjórnina greinilega ekki ætla sér að „jafna leikinn“ á kjörtímabilinu: „Ef stjórnvöld vildu í alvöru jafna leikinn, ef ríkisstjórn Katrínar Jakobsdóttur vildi draga úr ójöfnuði, þyrfti hún að beita bæði skatta- og bótakerfinu í þá veru. Fleiri skattþrep, hærri persónuafsláttur, þrepaskiptur fjármagnstekjuskattur og stóreignaskattur á umtalsverðar eignir, slá á ójöfnuð. Aukið vægi barnabóta og húsnæðisbóta eru önnur mikilvæg jöfnunartæki sem stjórnvöld geta beitt.“Segir forsætisráðherra koma engu í gegnum ríkisstjórnina Í ræðu sinni vísaði Oddný í orð Katrínar frá eldhúsdagsumræðum síðasta árs þar sem Katrín talaði um róttækar breytingar á skattkerfinu og að tryggja þyrfti að arður auðlinda myndi renna til þjóðarinnar. Oddný sagðist vera innilega sammála því og það hryggði hana að sjá áhrifaleysi Katrínar í sinni eigin ríkisstjórn. Hún kæmi engu í gegn nema „málamyndabreytingum“ á fjármagnstekjuskatti sem hefði lítinn ávinning fyrir ríkissjóð. Því næst beindi hún spjótum sínum að Bjarna Benediktssyni, fjármálaráðherra, og sagði hann tala um norræna velferð sem bótavæðingu. Hann hafni hærri sköttum á auðmenn og á meðan sitji forsætisráðherra hjá: „Hann heldur sig við fjármálaáætlunina og segir að hærri skattur á auðmenn komi ekki til greina. En forsætisráðherrann veltir vöngum og talar óljóst um eitthvað annað, án þess þó að slá á fingur fjármálaráðherrans.”Ríkisstjórnin metnaðarlaus í loftslagsmálum og störf hennar óljós Oddný sagði ekki hægt að vita með vissu hvert ætlunarverk ríkisstjórnarinnar væri og að ráðherrar töluðu „út og suður“. Hún benti á að stærsta verkefni mannkyns væri að finna leiðir gegn hlýnun jarðar og sagði metnaðarleysi ríkisstjórnarinnar í þeim málum vera áhyggjuefni. Útlit væri fyrir að Ísland myndi ekki standa við skuldbindingar sínar í þeim málum og þyrfti því að kaupa losunarheimildir á alþjóðamarkaði. Það væri ekki einungis fjárhagslegt tjón fyrir ríkið, heldur einnig ímyndartjón fyrir þjóðina. „Við höfum stært okkur af orkuskiptum við húshitun og endurnýjanlegum orkugjöfum í okkar hreina fallega Íslandi. Sú ímynd er á hröðu undanhaldi.” Hún sagði ríkisstjórnina verða að koma fram með raunhæfar lausnir gegn bensín- og dísilnotkun hérlendis og nauðsynlegt væri að ríkið myndi styðja við uppbyggingu almenningssamgangna. Oddný endaði ræðu sína á því að undirstrika helstu baráttumál Samfylkingarinnar og krafðist úrbóta af hálfu ríkisstjórnarinnar. Hún kallaði eftir aðgerðum gegn ójöfnuði, sanngjarnara skattkerfi og nýju stjórnarskránni. „Við í Samfylkingunni köllum eftir meiri metnaði í aðgerðum stjórnvalda í loftlagsmálum. Við köllum einnig eftir raunverulegum aðgerðum sem auka jöfnuð og bæta kjör þeirra sem minnst hafa. Við köllum eftir sanngjarnara skattkerfi sem stendur undir velferðarsamfélagi sem er fyrir alla og að enginn verði skilinn eftir. Við köllum eftir nýju stjórnarskránni með auðlindaákvæði sem ver þjóðina fyrir bandalagi um sérhagsmuni.“
Alþingi Mest lesið Öryggismyndavélar í svefnherberginu og fyrsta útgáfa af Lolitu á skrifstofunni Erlent Hvarf fyrir tæpum þrjátíu árum og fannst í hopandi jökli Erlent Dánarorsök Ozzy Osbourne ljós Erlent Segir Höllu ekki skilja um hvað málið snýst Innlent Segja Rafmennt auglýsa nöfn sín í blekkingarskyni Innlent Fjarlægði nöfnin strax: „Ætlumst ekki til neins af þessu fólki“ Innlent Hvar á að grípa niður í fækkun innflytjenda? Innlent Hættir að fjármagna þróun mRNA bóluefna Erlent Segja upp og draga úr útgáfu: Óvissan í rekstrinum „því miður aukist mikið“ Innlent Greina ekki frá tilkynntum kynferðisbrotum á Þjóðhátíð strax Innlent Fleiri fréttir Svartaþoka gerir þyrlusveit í útkalli erfitt fyrir Innkalla sælgæti vegna köfnunarhættu Fjarlægði nöfnin strax: „Ætlumst ekki til neins af þessu fólki“ Öryggissérfræðingur hefur trú á boðuðum aðgerðum í Reynisfjöru Segir Höllu ekki skilja um hvað málið snýst Færa sig í Kringluna vegna bílastæðaskorts og framkvæmda Tollastríð, makríll og flutningur Blóðbankans Greina ekki frá tilkynntum kynferðisbrotum á Þjóðhátíð strax Segja Rafmennt auglýsa nöfn sín í blekkingarskyni Sektaður vegna kýr sem drapst á leið í sláturhús Minnsti þéttleiki makríls síðan 2010 Tveir skjálftar yfir þrír að stærð Hvar á að grípa niður í fækkun innflytjenda? Blóðbankinn á leið í Kringluna Nokkuð um hávaðaútköll Segja upp og draga úr útgáfu: Óvissan í rekstrinum „því miður aukist mikið“ Lax ofan Stuðlagils gæti hafa veiðst lengst frá sjó á Íslandi Til skoðunar að hafa mannskap við vöktun í Reynisfjöru Herða öryggisreglur eftir slysið: „Þetta hafa verið mjög erfiðir dagar“ Flugeldum kastað að fólki á Akureyri Handtekin fyrir ölvunarakstur eftir grænt ljós frá löggunni Ráðstafanir í Reynisfjöru, tollar og lax á sjaldséðum slóðum Boðar fund um tolla Trumps og ESB Rauða ljósið mun blikka fyrr Enn má búast við gosmóðu þó eldgosinu sé lokið í bili Flutti lítra af kókaínvökva til landsins gegn greiðslu „Samstaða skapar samfélag“ er þema Hinsegin daga Strangari reglur og ný gjaldskrá til að „tempra kraftmikla fólksfjölgun“ Neyddur til að taka ketamín og sjónvarpi kastað í höfuð hans Tollar Trumps muni hafa tilætluð áhrif Sjá meira