Haukur Helgi með sex stig í sigri Cholet

Íslenski landsliðsmaðurinn Haukur Helgi Pálsson skoraði sex stig þegar lið hans Cholet vann sigur á Hyeres Toulon, 80-86, í frönsku úrvalsdeildinni í körfubolta.

Cholet tók strax afgerandi forystu í leiknum og voru komnir með 17 stiga forskot eftir fyrsta leikhluta, 31-17. Cholet juku forskot sitt enn frekar í öðrum leikhlut og voru 23 stigum yfir í hálfleik, 54-31.

Hyeres Toulon var nálægt því að vinna upp forskot Cholet undir lok leiksins með frábærum fjórða leikhluta en sex marka sigur Cholet varð niðurstaðan.

Cholet situr í 15. sæti deildarinnar en Hyeres Toulon verma botninn í 18. sæti.