Körfubolti

Breiðablik í Dominos-deildina

Anton Ingi Leifsson skrifar
Úr leik Breiðabliks og KR í bikarnum í vetur.
Úr leik Breiðabliks og KR í bikarnum í vetur. vísir/anton
Breiðablikið er komið í Dominos-deild karla eftir sigur á Hamri, 110-84, í fjórða leik liðanna en leikið var í Kópavogi í kvöld.

Jafnræði var með liðunum framan af en í hálfleik leiddu Blikarnir með fjórum stigum, 51-47, en í síðari hálfleik skildi á milli liðanna.

Blikarnir gáfu í og rústuðu fjórða leikhlutanum, 36-12, og unnu leikinn að lokum með 26 stiga mun, 110-84 og rimmuna sjálfa 3-1.

Chris Woods spilandi þjálfari Breiðablik skoraði 26 stig en næstur kom Erlendur Ágúst Stefánsson með 20 stig.

Ísak Sigurðarson skoraði sextán stig fyrir Hamar sem tapar úrslitaeinvíginu annað árið í röð. Larry Thomas skoraði fjórtán stig.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.