Erlent

Tala látinna hækkar eftir flugslysið í Nepal

Sunna Kristín Hilmarsdóttir skrifar
Frá vettvangi slyssins í Nepal.
Frá vettvangi slyssins í Nepal. vísir/getty
Tala látinna eftir flugslys á alþjóðaflugvellinum í Katmandú, höfuðborg Nepals, hefur hækkað upp í 50. Að því er fram kemur í frétt Reuters beygði vélin skyndilega þegar hún var að koma inn til lendingar í skýjuðu veðri á flugvellinum um klukkan 14:20 að staðartíma.



Alls voru 71 um borð en vélin var á vegum flugfélagsins US-Bangla sem er frá Bangladess. Þegar vélin brotlenti kviknaði í henni. 33 farþeganna voru frá Nepal, 32 frá Bangladess, einn frá Kína og einn frá Maldív-eyjum. Enn er ekki vitað um afdrif níu þeirra sem voru um borð í vélinni.



„Allt í einu hristist vélin mjög mikið. Ég sat við gluggann en gat ekki brotist út um gluggann,“ sagði Basanta Bohora, einn af þeim sem lifði slysið af, í samtali við dagblaðið Kathmandu Post.



Vélin var af gerðinni Bombardier Q400 og var 17 ára gömul.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.