Íslendingur sagður hafa fallið í stríðsátökum í Sýrlandi Birgir Olgeirsson, Kolbeinn Tumi Daðason og Samúel Karl Ólason skrifa 7. mars 2018 06:00 Haukur Hilmarsson var fæddur árið 1986. Haukur Hilmarsson, 31 árs Íslendingur, er sagður hafa fallið í átökum í Afrin í Sýrlandi í febrúar. Frá þessu greinir ANF fréttastofan og vísar í yfirlýsingu frá YPG, her sýrlenskra Kúrda, sem Haukur barðist með. Haukur er sagður hafa látist í loftárás tyrkneska hersins þann 24. febrúar síðastliðinn ásamt tveimur arabískum liðsfélögum. Var það hluti af áhlaupi tyrkneska hersins og uppreisnarmanna sem studdir eru af Tyrkjum á Afrin-hérað sem hefur verið nefnt „Operation Olive Branch“. YPG-liðar hafa barist gegn Tyrkjum í héraðinu ásamt sveitum sem studdar eru af yfirvöldum í Íran. Tyrkneskur blaðamaður greindi fyrstur frá falli Hauks á Twitter í gær og í framhaldinu dreifðust tíðindin í ýmsa tyrkneska fjölmiðla og víðar á samfélagsmiðlum. Kúrdar og Sýrlendingar syrgja Hauk og kalla hann hetju á meðan Tyrkir fagna og segja að hryðjuverkamaður sé fallinn. Ekki fengið líkið afhent Utanríkisráðuneytið vann að því í gær að fá fregnirnar staðfestar í gegnum ræðismenn sína í Tyrklandi og alþjóðadeild Ríkislögreglustjóra en án árangurs enn sem komið er. Ekkert hefur komið fram sem rengir fregnirnar af falli Hauks. Ættingjar og vinir Hauks fengu tíðindin í gær og þá fyrst í gegnum samfélagsmiðla. Þau hafa ekki fengið frekari upplýsingar en það sem fram hefur komið í fjölmiðlum í miðausturlöndum. Í yfirlýsingu YPG, sem ANF vísar til, segir að tilraunir YPG til þess að fá lík Hauks afhent hafi ekki borið árangur. Haukur dregur Bónusfánann að húni á Alþingishúsinu 8. nóvember 2008. Dæmdar skaðabætur fyrir ólögmæta handtöku Haukur, sem var 31 árs gamall, komst í sviðsljós fjölmiðla hér á landi í nóvember árið 2008 þegar hann dró fána verslunarinnar Bónus að húni á Alþingishúsinu. Haukur var handtekinn af lögreglu tveimur vikum síðar. Lögreglan bar því við að handtakan tengdist eftirstöðvum átján daga fangelsisdóms fyrir að hafa ekki farið eftir fyrirmælum lögreglu þegar hann tók þátt í mótmælaaðgerðum gegn Kárahnjúkavirkjun og stóriðjuframkvæmdum í Reyðarfirði. Fjölmargir mótmælendur mættu í kjölfarið fyrir utan lögreglustöðina við Hlemm vegna handtökunnar, tóku sér stöðu þar og gerðu sumir tilraun til að frelsa hann. Tveimur árum síðar voru Hauki dæmdar 150 þúsund krónur í bætur frá íslenska ríkinu vegna handtökunnar sem var sögð harkaleg og niðurlægjandi. Haukur Hilmarsson á þaki Alþingishússins. Gekk í YPG í gegnum RUIS Greint var fyrst frá andláti Hauks á Twitter en þar er hann sagður hafa gengið til liðs við YPG í gegnum gríska anarkistahópinn RUIS sem tilheyrir alþjóðlegri frelsishreyfingu tengdri stríðinu í Sýrlandi árið 2017. RUIS-hópurinn var stofnaður árið 2015 og er að mestu skipaður grískum sjálfboðaliðum. International Freedom Batallion, samtök vinstri sinnaðra erlendra meðlima YPG, sagði frá falli Hauks á Facebook í gær en þar segir að Haukur, sem sagður er hafa verið liðþjálfi, hafi í fyrstu reynt að ganga til liðs við YPG þegar baráttan um bæinn Manbij stóð yfir en hann hafi verið sendur frá Írak til Íslands. Seinna meir hafi honum tekist að komast til Sýrlands og þar hafi hann tekið þátt í orrustunni um Raqqa, sem var nokkurs konar höfuðborg Íslamska ríkisins. ANF fréttastofa Kúrda staðfestir að Haukur hafi gengið til liðs við hersveitirnar í júlí 2017 og hafi tekið þátt í orrustunni um Raqqa. International Freedom Batallion herdeildin segir Hauk hafa öðlast virðingu félagar sinna í orrustunni um Raqqa. Afrin-hérað er við landamæri Tyrklands en héraðið lýtur stjórn sýrlenskra Kúrda. Sókn Tyrkja inn í héraðið hefur staðið yfir síðan í janúar en þeir njóta liðsinnis sýrlenskra uppreisnarmanna. Þá hafa Tyrkir verið sakaðir um að gera loftárásir á almenna borgara og sömuleiðis hafa uppreisnarmenn þeirra meðal annars verið sakaðir um aftökur borgara og þjófnað. Gífurlega flókið stjórnmálalandslag Herdeildir hliðahollar Sýrlandsstjórn hafa farið inn í Afrinhérað en Vísir sagði frá því í febrúar síðastliðnum að Kúrdar og Sýrlandsstjórn hafi gert samkomulag um að stöðva sókn Tyrkja. Stjórnarher Sýrlands kemur þó ekki að samkomulaginu, heldur er um að ræða vopnaðar sveitir sem studdar eru af Íran. Samkomulagið er til marks um hið gífurlega flókna stjórnmálalandslag Sýrlands og gæti mögulega leitt til átaka á milli Assad, Íran og mögulega Rússlands gegn Tyrklandi. Regnhlífarsamtökin Syrian Democratic Forces, eða SDF, sem innihalda YPG og aðra vopnaða hópa í Sýrlandi, lýstu því yfir nýverið að dregið yrði úr aðgerðum gegn leifum Íslamska ríkisins við landamæri Sýrlands og Írak, þar sem fjöldi sýrlenskra Kúrda væri á leið til Afrinhéraðs. Mál Hauks Hilmarssonar Sýrland Íslendingar erlendis Tengdar fréttir Kanna orðróm um að Íslendingur hafi fallið í stríðsátökum í Sýrlandi Íslendingurinn á að hafa barist með YPG-liðum, sem er her sýrlenskra Kúrda. 6. mars 2018 14:50 Ráðuneytið hefur ekki áður heyrt af Íslendingum í Sýrlandi Utanríkisráðuneytið er í sambandi við ræðismenn Íslands í Tyrklandi og alþjóðadeild ríkislögreglustjóra vegna orðróms um Íslending sem sagður er hafa fallið í Sýrlandi. 6. mars 2018 19:30 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Leikskólakennarar ósáttir við vettlingagjörning Innlent Leiðin í vinnuna smám saman þrefaldast: „Þetta er eins og í einhverri bíómynd“ Innlent Mikill reykur þegar kviknaði í einangrunarplasti Innlent Ekki ólöglegt fyrir konur að brjóta gegn körlum Erlent Steinunn Ólína skýtur föstum skotum á Katrínu Innlent Alls konar fabúleringar um vinskapinn við Bjarna Ben Innlent Vitni greinir frá ráðabruggi og lögmaður Trump fær viðvörun Erlent Fannst hennar tími vera kominn Innlent Miðflokkurinn staðfestir sig sem þriðji stærsti flokkurinn Innlent Eitruð blanda þegar spilling og skipulagsmál fara saman Innlent Fleiri fréttir Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Alls konar fabúleringar um vinskapinn við Bjarna Ben Lætur staðar numið í pólitíkinni Mikill reykur þegar kviknaði í einangrunarplasti Leikskólakennarar ósáttir við vettlingagjörning Alþjóðasamvinna á krossgötum: Hvert stefnir Ísland? Þátttaka nemenda í „verkföllum“ skráð sem „óheimil fjarvist“ Eitruð blanda þegar spilling og skipulagsmál fara saman Ofbeldisbrotum fjölgar á sama tíma og lögreglumönnum fækkar Landeigendur höfða mál gegn ríkinu vegna Hvammsvirkjunar Fannst hennar tími vera kominn Sakar ríkisstjórnina um að ætla að afhenda fiskeldinu firðina til eilífðar Miðflokkurinn staðfestir sig sem þriðji stærsti flokkurinn Leiðin í vinnuna smám saman þrefaldast: „Þetta er eins og í einhverri bíómynd“ Ákærð fyrir að hafa orðið syni sínum að bana Stórfjölgun ofbeldisbrota, firðir í hættu og hönnunarstuldur „Við næðum eflaust meiri árangri ef borgarstjóri myndi væla minna“ Össur segir Jóni Gnarr að „hætta að væla“ Staðfesta gæsluvarðhald tveggja sakborninga Óbreytt frumvarp þýði útrýmingu villta laxins Fluttur á sjúkrahús eftir að ekið var á Útlendingastofnun Húsfélagið má ekki klippa á tengil rafvirkjameistara Sjálfstæðisflokkurinn kvelji barnafólk með vettlingagjörningi Enn kröftugt gos úr einum gíg Börn sofi ekki úti í gosmóðunni suðvestanlands Velkomin í Verbúðina II Sjá meira
Haukur Hilmarsson, 31 árs Íslendingur, er sagður hafa fallið í átökum í Afrin í Sýrlandi í febrúar. Frá þessu greinir ANF fréttastofan og vísar í yfirlýsingu frá YPG, her sýrlenskra Kúrda, sem Haukur barðist með. Haukur er sagður hafa látist í loftárás tyrkneska hersins þann 24. febrúar síðastliðinn ásamt tveimur arabískum liðsfélögum. Var það hluti af áhlaupi tyrkneska hersins og uppreisnarmanna sem studdir eru af Tyrkjum á Afrin-hérað sem hefur verið nefnt „Operation Olive Branch“. YPG-liðar hafa barist gegn Tyrkjum í héraðinu ásamt sveitum sem studdar eru af yfirvöldum í Íran. Tyrkneskur blaðamaður greindi fyrstur frá falli Hauks á Twitter í gær og í framhaldinu dreifðust tíðindin í ýmsa tyrkneska fjölmiðla og víðar á samfélagsmiðlum. Kúrdar og Sýrlendingar syrgja Hauk og kalla hann hetju á meðan Tyrkir fagna og segja að hryðjuverkamaður sé fallinn. Ekki fengið líkið afhent Utanríkisráðuneytið vann að því í gær að fá fregnirnar staðfestar í gegnum ræðismenn sína í Tyrklandi og alþjóðadeild Ríkislögreglustjóra en án árangurs enn sem komið er. Ekkert hefur komið fram sem rengir fregnirnar af falli Hauks. Ættingjar og vinir Hauks fengu tíðindin í gær og þá fyrst í gegnum samfélagsmiðla. Þau hafa ekki fengið frekari upplýsingar en það sem fram hefur komið í fjölmiðlum í miðausturlöndum. Í yfirlýsingu YPG, sem ANF vísar til, segir að tilraunir YPG til þess að fá lík Hauks afhent hafi ekki borið árangur. Haukur dregur Bónusfánann að húni á Alþingishúsinu 8. nóvember 2008. Dæmdar skaðabætur fyrir ólögmæta handtöku Haukur, sem var 31 árs gamall, komst í sviðsljós fjölmiðla hér á landi í nóvember árið 2008 þegar hann dró fána verslunarinnar Bónus að húni á Alþingishúsinu. Haukur var handtekinn af lögreglu tveimur vikum síðar. Lögreglan bar því við að handtakan tengdist eftirstöðvum átján daga fangelsisdóms fyrir að hafa ekki farið eftir fyrirmælum lögreglu þegar hann tók þátt í mótmælaaðgerðum gegn Kárahnjúkavirkjun og stóriðjuframkvæmdum í Reyðarfirði. Fjölmargir mótmælendur mættu í kjölfarið fyrir utan lögreglustöðina við Hlemm vegna handtökunnar, tóku sér stöðu þar og gerðu sumir tilraun til að frelsa hann. Tveimur árum síðar voru Hauki dæmdar 150 þúsund krónur í bætur frá íslenska ríkinu vegna handtökunnar sem var sögð harkaleg og niðurlægjandi. Haukur Hilmarsson á þaki Alþingishússins. Gekk í YPG í gegnum RUIS Greint var fyrst frá andláti Hauks á Twitter en þar er hann sagður hafa gengið til liðs við YPG í gegnum gríska anarkistahópinn RUIS sem tilheyrir alþjóðlegri frelsishreyfingu tengdri stríðinu í Sýrlandi árið 2017. RUIS-hópurinn var stofnaður árið 2015 og er að mestu skipaður grískum sjálfboðaliðum. International Freedom Batallion, samtök vinstri sinnaðra erlendra meðlima YPG, sagði frá falli Hauks á Facebook í gær en þar segir að Haukur, sem sagður er hafa verið liðþjálfi, hafi í fyrstu reynt að ganga til liðs við YPG þegar baráttan um bæinn Manbij stóð yfir en hann hafi verið sendur frá Írak til Íslands. Seinna meir hafi honum tekist að komast til Sýrlands og þar hafi hann tekið þátt í orrustunni um Raqqa, sem var nokkurs konar höfuðborg Íslamska ríkisins. ANF fréttastofa Kúrda staðfestir að Haukur hafi gengið til liðs við hersveitirnar í júlí 2017 og hafi tekið þátt í orrustunni um Raqqa. International Freedom Batallion herdeildin segir Hauk hafa öðlast virðingu félagar sinna í orrustunni um Raqqa. Afrin-hérað er við landamæri Tyrklands en héraðið lýtur stjórn sýrlenskra Kúrda. Sókn Tyrkja inn í héraðið hefur staðið yfir síðan í janúar en þeir njóta liðsinnis sýrlenskra uppreisnarmanna. Þá hafa Tyrkir verið sakaðir um að gera loftárásir á almenna borgara og sömuleiðis hafa uppreisnarmenn þeirra meðal annars verið sakaðir um aftökur borgara og þjófnað. Gífurlega flókið stjórnmálalandslag Herdeildir hliðahollar Sýrlandsstjórn hafa farið inn í Afrinhérað en Vísir sagði frá því í febrúar síðastliðnum að Kúrdar og Sýrlandsstjórn hafi gert samkomulag um að stöðva sókn Tyrkja. Stjórnarher Sýrlands kemur þó ekki að samkomulaginu, heldur er um að ræða vopnaðar sveitir sem studdar eru af Íran. Samkomulagið er til marks um hið gífurlega flókna stjórnmálalandslag Sýrlands og gæti mögulega leitt til átaka á milli Assad, Íran og mögulega Rússlands gegn Tyrklandi. Regnhlífarsamtökin Syrian Democratic Forces, eða SDF, sem innihalda YPG og aðra vopnaða hópa í Sýrlandi, lýstu því yfir nýverið að dregið yrði úr aðgerðum gegn leifum Íslamska ríkisins við landamæri Sýrlands og Írak, þar sem fjöldi sýrlenskra Kúrda væri á leið til Afrinhéraðs.
Mál Hauks Hilmarssonar Sýrland Íslendingar erlendis Tengdar fréttir Kanna orðróm um að Íslendingur hafi fallið í stríðsátökum í Sýrlandi Íslendingurinn á að hafa barist með YPG-liðum, sem er her sýrlenskra Kúrda. 6. mars 2018 14:50 Ráðuneytið hefur ekki áður heyrt af Íslendingum í Sýrlandi Utanríkisráðuneytið er í sambandi við ræðismenn Íslands í Tyrklandi og alþjóðadeild ríkislögreglustjóra vegna orðróms um Íslending sem sagður er hafa fallið í Sýrlandi. 6. mars 2018 19:30 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Leikskólakennarar ósáttir við vettlingagjörning Innlent Leiðin í vinnuna smám saman þrefaldast: „Þetta er eins og í einhverri bíómynd“ Innlent Mikill reykur þegar kviknaði í einangrunarplasti Innlent Ekki ólöglegt fyrir konur að brjóta gegn körlum Erlent Steinunn Ólína skýtur föstum skotum á Katrínu Innlent Alls konar fabúleringar um vinskapinn við Bjarna Ben Innlent Vitni greinir frá ráðabruggi og lögmaður Trump fær viðvörun Erlent Fannst hennar tími vera kominn Innlent Miðflokkurinn staðfestir sig sem þriðji stærsti flokkurinn Innlent Eitruð blanda þegar spilling og skipulagsmál fara saman Innlent Fleiri fréttir Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Alls konar fabúleringar um vinskapinn við Bjarna Ben Lætur staðar numið í pólitíkinni Mikill reykur þegar kviknaði í einangrunarplasti Leikskólakennarar ósáttir við vettlingagjörning Alþjóðasamvinna á krossgötum: Hvert stefnir Ísland? Þátttaka nemenda í „verkföllum“ skráð sem „óheimil fjarvist“ Eitruð blanda þegar spilling og skipulagsmál fara saman Ofbeldisbrotum fjölgar á sama tíma og lögreglumönnum fækkar Landeigendur höfða mál gegn ríkinu vegna Hvammsvirkjunar Fannst hennar tími vera kominn Sakar ríkisstjórnina um að ætla að afhenda fiskeldinu firðina til eilífðar Miðflokkurinn staðfestir sig sem þriðji stærsti flokkurinn Leiðin í vinnuna smám saman þrefaldast: „Þetta er eins og í einhverri bíómynd“ Ákærð fyrir að hafa orðið syni sínum að bana Stórfjölgun ofbeldisbrota, firðir í hættu og hönnunarstuldur „Við næðum eflaust meiri árangri ef borgarstjóri myndi væla minna“ Össur segir Jóni Gnarr að „hætta að væla“ Staðfesta gæsluvarðhald tveggja sakborninga Óbreytt frumvarp þýði útrýmingu villta laxins Fluttur á sjúkrahús eftir að ekið var á Útlendingastofnun Húsfélagið má ekki klippa á tengil rafvirkjameistara Sjálfstæðisflokkurinn kvelji barnafólk með vettlingagjörningi Enn kröftugt gos úr einum gíg Börn sofi ekki úti í gosmóðunni suðvestanlands Velkomin í Verbúðina II Sjá meira
Kanna orðróm um að Íslendingur hafi fallið í stríðsátökum í Sýrlandi Íslendingurinn á að hafa barist með YPG-liðum, sem er her sýrlenskra Kúrda. 6. mars 2018 14:50
Ráðuneytið hefur ekki áður heyrt af Íslendingum í Sýrlandi Utanríkisráðuneytið er í sambandi við ræðismenn Íslands í Tyrklandi og alþjóðadeild ríkislögreglustjóra vegna orðróms um Íslending sem sagður er hafa fallið í Sýrlandi. 6. mars 2018 19:30