Zac Efron furðar sig á sjóðandi stöðuvötnum á Íslandi

Bandaríski leikarinn Zac Efron birti myndband frá nýlegri Íslandsferð sinni á Instagram-reikningi sínum í gær, þar sem hann furðar sig á sjóðandi hveravatni. Efron kom hingað til lands fyrr í mánuðinum en samkvæmt heimildum Vísis var hann staddur hér við tökur á sjónvarpsþáttum.

„Ísland, þar sem stöðuvötnin sjóða,“ skrifar Efron við myndbandið þar sem hann sést kanna hitastig sjóðandi uppsprettu í svörtum sandi ásamt félaga sínum.

 

 

 

View this post on Instagram

Iceland... where the lakes boil

A post shared by Zac Efron (@zacefron) on Oct 26, 2018 at 5:03pm PDT

Efron fagnaði 31 árs afmæli sínu á Íslandi, og birti mynd af sér þar sem hann þakkar fyrir afmæliskveðjurnar. Sú mynd virðist einmitt tekin með íslenskt landslag í bakgrunni.

Ljóst er að kappanum þykir mikið til Íslands koma en hann birti einnig mynd af sér á Facebook-síðu sinni í gær þar sem hann kemur einföldum skilaboðum á framfæri: „Ég elska Ísland“.

 

Efron er þekktastur fyrir leik sinn í High School Musical-kvikmyndunum. Hann hefur einnig leikið í myndum á borð við The Greatest Showman, Hairspray og 17 Again.