Mourinho nýtur stuðnings stjórnar Manchester United

Jose Mourinho, stjóri Manchester United nýtur stuðnings stjórnar félagsins þráttt fyrir slæm úrslit að undanförnu og verður því að öllum líkindum ekki rekinn frá félaginu.



Manchester United fær Newcastle í heimsókn á Old Trafford í dag. Takist liðinu ekki að vinna verður það aðeins í annað skiptið í tuttugu ár þar sem Manchester United er sigurlaust í fimm leikjum í röð.



Miklar vangaveltur hafa verið um framtíð Mourinho hjá United og vilja margir stuðningsmenn að Portúgalinn fái að fjúka.



Rauðu djöflarnir töpuðu gegn West Ham síðustu helgi, 3-1 og er þetta versta byrjun þeirra í deildinni í 29 ár.



Einnig hefur mikið verið rætt og ritað um samband Mourinho og miðjumannsins Paul Pogba en það á að vera ansi stirrt.



Framundan er erfið törn hjá United. Eftir leikinn í dag mæta þeir Chelsea, Juventus tvisvar í Meistaradeildinni og nágrönnum sínum í Manchester City í næstu sex leikjum.