Finnst sárt að hafa ekki fengið afsökunarbeiðni Jóhann Óli Eiðsson skrifar 25. október 2018 06:00 Lík José Roldán var yfir nótt í ókældri geymslu. FRÉTTABLAÐIÐ/PJETUR Fjölskylda José Ignacio Soto Roldán, 33 ára Spánverja sem lést á Akureyri fyrir viku, upplifir sig afskipta í því ferli sem fór í hönd eftir lát hans. Lík José var meðal annars yfir nótt í ókældri geymslu Flytjanda. Tilfinningunum sem þau bera í brjósti verði vart lýst með orðum. José lést síðastliðinn fimmtudag á Akureyri. Kryfja þurfti líkið til að finna út hver dánarorsökin væri. Þar sem enginn réttarmeinafræðingur er á Akureyri þurfti að flytja líkið suður. Í því ferli voru gerð mistök þegar kistunni var komið fyrir í ókældri geymslu. Starfsmaður Flytjanda sem uppgötvaði mistökin var vinur José og lét hann fjölskylduna vita. „Það er með miklum sársauka og vanþóknun sem ég rita þessi orð,“ segir í yfirlýsingu frá frænku José sem send var Fréttablaðinu. „Sársaukinn sem fráfall José hefur valdið okkur er einn sá mesti sem hugsast getur. Þó hefur það valdið fjölskyldunni enn meiri kvöl að vita til þess að lík hans var gleymt og yfirgefið í ókældri vörugeymslu yfir nótt. Mögulega hefði hann verið þar yfir helgi ef ekki hefði verið fyrir árvökulan starfsmann fyrirtækisins.“ Sendiherra Spánar í Noregi hefur umsjón með málefnum Spánar á Íslandi. Fjölskyldan ber sendiherranum ekki vel söguna og að þau séu í raun í myrkri. Vinir José hér á landi lýsa því að þeir hafi í raun þurft að þjóna sem milliliðir og að gífurlega erfitt sé að fá svör við þeim spurningum sem þeir hafa. Þá hafi fjölskyldan ekki heyrt orð frá Flytjanda vegna málsins. Tilfinningunum sem þau bera í brjósti sé erfitt að lýsa. Fyrirhugað að vinir flytji duftkerfið til Spánar Fjölskylda José íhugar að kanna réttargrundvöll sinn vegna máls hans. Sárast finnst þeim að enn hafi enginn frá Flytjanda haft samband við þau, beðist afsökunar á mistökunum og vottað þeim samúð sína vegna málsins. José var 33 ára Spánverji, ættaður frá smábæ skammt frá Granada í Andalúsíuhéraði Spánar, en fjölskylda hans er ekki efnuð. Vinur hans hafði komið hingað til lands fyrir þremur árum og lofaði landið. Það varð því úr að José fluttist hingað til Akureyrar fyrir um þremur vikum. Að morgni fimmtudagsins fyrir viku vöknuðu vinir José til að fara til vinnu. Það var þá sem þeir tóku eftir því að hann var lífvana. Lögregla var kölluð til og vinunum tjáð að flytja þyrfti líkið til Reykjavíkur til að framkvæma á því krufningu. Sá flutningur myndi fara fram á mánudag. Að sögn vina og aðstandenda kom það því nokkuð flatt upp á þá þegar líkið var flutt suður strax á föstudagskvöld. Þegar líkið kom til Reykjavíkur voru þau mistök gerð að í stað þess að kistunni væri komið fyrir í kældri geymslu var hún geymd yfir nótt í geymslu þar sem hitastigið stýrist af veðrinu utandyra. Fréttablaðið spurðist fyrir hjá lögreglunni og útfararstofunni á Akureyri hvers vegna lík José var flutt svo fljótt en upphaflega var stefnt að því að líkið yrði krufið á þriðjudag. Lögreglan benti á útfararstofuna sem vildi engu svara um ástæður hins snögga flutnings. Fjölskylda José hefur óskað eftir því að vinir hans hér á landi fái að sjá líkið áður en útförin og líkbrennsla fer fram. Þau svör hafa aftur á móti fengist frá sendiráði Spánar í Ósló að slíkt sé ekki æskilegt. Fyrirhugað er að vinir José muni taka við duftkeri hans og flytja það með sér í handfarangri til Spánar þar sem hann verður lagður til hinstu hvílu. Að sögn fjölskyldu og vina eru dagarnir fram að því í lausu lofti og þau viti í raun lítið sem ekkert um stöðu mála. Fjallað var um málið í fréttamiðli Spánverja á Íslandi í gær. Viðbrögð við þeirri umfjöllun og upplifun fjölskyldunnar af málinu öllu hefur vakið talsverða athygli. Þeir sem deila fréttinni velta því meðal annars fyrir sér hvort öðruvísi hefði verið búið um hnútana hefði verið um Íslending að ræða. Birtist í Fréttablaðinu Tengdar fréttir Mistök við flutning á líki til Reykjavíkur hörmuð Mistök urðu um helgina við flutning á líki frá Akureyri til Reykjavíkur þegar starfsmönnum flutningafyrirtækis láðist að koma því fyrir í sérstökum kæli. 23. október 2018 07:30 Mest lesið Endurnýja spá um lok umbrota við Grindavík Innlent Sú sem var oftast nefnd ekki ein af fjórum efstu í könnunum Innlent „Eldgosið virðist í andarslitrunum“ Innlent Tuga enn saknað og 55 látnir Erlent Forsetavaktin 2024: Hver verður sjöundi forseti lýðveldisins? Innlent „Skrímsladeildin“ hafi skorið upp herör gegn mótframbjóðendum Katrínar Innlent „Lífið heldur áfram eftir svona áfall“ Innlent Sló til starfsmanns og beit viðskiptavin Innlent Katrín efst en Jón hrynur í nýrri könnun Innlent Verður borgarstjóri Lundúna þriðja kjörtímabilið í röð Erlent Fleiri fréttir „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu „Lífið heldur áfram eftir svona áfall“ Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Sjá meira
Fjölskylda José Ignacio Soto Roldán, 33 ára Spánverja sem lést á Akureyri fyrir viku, upplifir sig afskipta í því ferli sem fór í hönd eftir lát hans. Lík José var meðal annars yfir nótt í ókældri geymslu Flytjanda. Tilfinningunum sem þau bera í brjósti verði vart lýst með orðum. José lést síðastliðinn fimmtudag á Akureyri. Kryfja þurfti líkið til að finna út hver dánarorsökin væri. Þar sem enginn réttarmeinafræðingur er á Akureyri þurfti að flytja líkið suður. Í því ferli voru gerð mistök þegar kistunni var komið fyrir í ókældri geymslu. Starfsmaður Flytjanda sem uppgötvaði mistökin var vinur José og lét hann fjölskylduna vita. „Það er með miklum sársauka og vanþóknun sem ég rita þessi orð,“ segir í yfirlýsingu frá frænku José sem send var Fréttablaðinu. „Sársaukinn sem fráfall José hefur valdið okkur er einn sá mesti sem hugsast getur. Þó hefur það valdið fjölskyldunni enn meiri kvöl að vita til þess að lík hans var gleymt og yfirgefið í ókældri vörugeymslu yfir nótt. Mögulega hefði hann verið þar yfir helgi ef ekki hefði verið fyrir árvökulan starfsmann fyrirtækisins.“ Sendiherra Spánar í Noregi hefur umsjón með málefnum Spánar á Íslandi. Fjölskyldan ber sendiherranum ekki vel söguna og að þau séu í raun í myrkri. Vinir José hér á landi lýsa því að þeir hafi í raun þurft að þjóna sem milliliðir og að gífurlega erfitt sé að fá svör við þeim spurningum sem þeir hafa. Þá hafi fjölskyldan ekki heyrt orð frá Flytjanda vegna málsins. Tilfinningunum sem þau bera í brjósti sé erfitt að lýsa. Fyrirhugað að vinir flytji duftkerfið til Spánar Fjölskylda José íhugar að kanna réttargrundvöll sinn vegna máls hans. Sárast finnst þeim að enn hafi enginn frá Flytjanda haft samband við þau, beðist afsökunar á mistökunum og vottað þeim samúð sína vegna málsins. José var 33 ára Spánverji, ættaður frá smábæ skammt frá Granada í Andalúsíuhéraði Spánar, en fjölskylda hans er ekki efnuð. Vinur hans hafði komið hingað til lands fyrir þremur árum og lofaði landið. Það varð því úr að José fluttist hingað til Akureyrar fyrir um þremur vikum. Að morgni fimmtudagsins fyrir viku vöknuðu vinir José til að fara til vinnu. Það var þá sem þeir tóku eftir því að hann var lífvana. Lögregla var kölluð til og vinunum tjáð að flytja þyrfti líkið til Reykjavíkur til að framkvæma á því krufningu. Sá flutningur myndi fara fram á mánudag. Að sögn vina og aðstandenda kom það því nokkuð flatt upp á þá þegar líkið var flutt suður strax á föstudagskvöld. Þegar líkið kom til Reykjavíkur voru þau mistök gerð að í stað þess að kistunni væri komið fyrir í kældri geymslu var hún geymd yfir nótt í geymslu þar sem hitastigið stýrist af veðrinu utandyra. Fréttablaðið spurðist fyrir hjá lögreglunni og útfararstofunni á Akureyri hvers vegna lík José var flutt svo fljótt en upphaflega var stefnt að því að líkið yrði krufið á þriðjudag. Lögreglan benti á útfararstofuna sem vildi engu svara um ástæður hins snögga flutnings. Fjölskylda José hefur óskað eftir því að vinir hans hér á landi fái að sjá líkið áður en útförin og líkbrennsla fer fram. Þau svör hafa aftur á móti fengist frá sendiráði Spánar í Ósló að slíkt sé ekki æskilegt. Fyrirhugað er að vinir José muni taka við duftkeri hans og flytja það með sér í handfarangri til Spánar þar sem hann verður lagður til hinstu hvílu. Að sögn fjölskyldu og vina eru dagarnir fram að því í lausu lofti og þau viti í raun lítið sem ekkert um stöðu mála. Fjallað var um málið í fréttamiðli Spánverja á Íslandi í gær. Viðbrögð við þeirri umfjöllun og upplifun fjölskyldunnar af málinu öllu hefur vakið talsverða athygli. Þeir sem deila fréttinni velta því meðal annars fyrir sér hvort öðruvísi hefði verið búið um hnútana hefði verið um Íslending að ræða.
Birtist í Fréttablaðinu Tengdar fréttir Mistök við flutning á líki til Reykjavíkur hörmuð Mistök urðu um helgina við flutning á líki frá Akureyri til Reykjavíkur þegar starfsmönnum flutningafyrirtækis láðist að koma því fyrir í sérstökum kæli. 23. október 2018 07:30 Mest lesið Endurnýja spá um lok umbrota við Grindavík Innlent Sú sem var oftast nefnd ekki ein af fjórum efstu í könnunum Innlent „Eldgosið virðist í andarslitrunum“ Innlent Tuga enn saknað og 55 látnir Erlent Forsetavaktin 2024: Hver verður sjöundi forseti lýðveldisins? Innlent „Skrímsladeildin“ hafi skorið upp herör gegn mótframbjóðendum Katrínar Innlent „Lífið heldur áfram eftir svona áfall“ Innlent Sló til starfsmanns og beit viðskiptavin Innlent Katrín efst en Jón hrynur í nýrri könnun Innlent Verður borgarstjóri Lundúna þriðja kjörtímabilið í röð Erlent Fleiri fréttir „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu „Lífið heldur áfram eftir svona áfall“ Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Sjá meira
Mistök við flutning á líki til Reykjavíkur hörmuð Mistök urðu um helgina við flutning á líki frá Akureyri til Reykjavíkur þegar starfsmönnum flutningafyrirtækis láðist að koma því fyrir í sérstökum kæli. 23. október 2018 07:30