Sjáðu mörkin hjá Birni Bergmann og Daníel Leó | Myndbönd

Íslensku strákarnir hjá Molde og Aalesund gerðu góða hluti í 4. umferð norsku úrvalsdeildarinnar í fótbolta í gær.



Björn Bergmann Sigurðarson skoraði og lagði upp mark í 4-0 sigri Molde á Vålerenga.

Skagamaðurinn skoraði þriðja mark Molde með laglegum skalla. Hann er nú kominn með eitt mark og tvær stoðsendingar í norsku deildinni á tímabilinu.

Óttar Magnús Karlsson kom inn á sem varamaður á 64. mínútu í liði Molde sem er í 2. sæti deildarinnar.

Daníel Leó Grétarsson kom Aalesund á bragðið í 3-1 sigri á Lilleström á heimavelli. Grindvíkingurinn skallaði boltann í netið á 5. mínútu og kom Aalesund í 1-0.

Aron Elís Þrándarson átti flottan leik fyrir Aalesund og lagði upp annað mark liðsins. Adam Örn Arnarson sat allan tímann á bekknum.

Mörkin hjá íslensku strákunum má sjá hér að neðan.