Norsku heimsmeistararnir heppnir með riðil

Heimsmeistarar Noregs verða í nokkuð þægilegum riðli á HM kvenna í handbolta í Þýskalandi í desember.

Stelpurnar hans Þóris Hergeirssonar eiga titil að verja en þær unnu HM í Danmörku 2015.

Í dag var dregið í riðla fyrir HM í Þýskalandi og lenti Noregur í B-riðli með Svíþjóð, Tékklandi, Ungverjalandi, Argentínu og Póllandi.

Fjögur efstu liðin í riðlunum fjórum komast áfram í 16-liða úrslit. Fari svo að norsku stelpurnar vinni B-riðilinn mæta þær liðinu sem endar í 4. sæti A-riðils, sem yrði væntanlega Slóvenía eða Angóla.

HM í Þýskalandi hefst 1. desember og lýkur sautjánda sama mánaðar.

Riðlarnir á HM 2017:

A-riðill:

Frakkland, Rúmenía, Spánn, Slóvenía, Angóla, Paragvæ

B-riðill:

Noregur, Svíþjóð, Tékkland, Ungverjaland, Argentína, Pólland

C-riðill:

Danmörk, Rússland, Brasilía, Svartfjallaland, Japan, Túnis

D-riðill:

Holland, Þýskaland, Serbía, Suður-Kórea, Kína, Kamerún