Göppingen varði titilinn gegn Bjarka og félögum

Bjarki Már Elísson og félagar í Füsche Berlin áttu lítið roð í Göppingen í úrslitum EHF-bikarsins í handbolta sem lauk rétt í þessu en Göppingen vann sannfærandi átta marka sigur 30-22 og náði því að verja titilinn.

Mættust þarna liðin sem höfðu sigrað keppnina undanfarin tvö ár en Berlínarrefirnir unnu þessa keppni vorið 2015 eftir sigur á Hamburg í úrslitaleiknum.

Göppingen leiddi í hálfleik 15-13 en góður varnarleikur þeirra í seinni hálfleik hleypti Berlínarliðinu aldrei inn í leikinn. Tókst gestunum aðeins að koma boltanum níu sinnum í mark Göppingen en á sama tíma hélt sóknarleikur Göppingen floti og bætti við forskotið sem endaði í átta mörkum.

Lars Kaufmann var atkvæðamestur fyrir Göppingen í leiknum með átta mörk en hjá Berlínarrefunumu voru það Hans Lindberg og Petar Nenadic sem voru atkvæðamestir.