Handbolti

Kristianstad hóf titilvörnina af krafti

Ingvi Þór Sæmundsson skrifar
Ólafur skoraði fjögur mörk.
Ólafur skoraði fjögur mörk. vísir/getty
Sænsku meistararnir í Kristianstad unnu öruggan níu marka sigur á Karlskrona, 31-22, í upphafsleik sænsku úrvalsdeildarinnar í handbolta.

Ólafur Guðmundsson, fyrirliði Kristianstad, skoraði fjögur mörk og gaf tvær stoðsendingar í leiknum í kvöld.

Arnar Freyr Arnarsson skoraði eitt mark en Gunnar Steinn Jónsson komst ekki á blað.

Karlskrona var yfir í hálfleik, 13-14, en í stöðunni 14-15 breyttist leikurinn. Kristianstad tók 8-1 sprett og náði góðu forskoti sem liðið lét ekki af hendi.

Á endanum munaði níu mörkum á liðunum, 31-22.

Handbolti

Mest lesið


Fleiri fréttir

Sjá meira


×

Mest lesið