Stígamót veiti fötluðum brotaþolum þjónustu eða skili fjármagninu Snæbjörn Áki Friðriksson og Helga Baldvins- og Bjargardóttir skrifar 23. nóvember 2017 07:00 Í mars 2014 tóku Stígamót sannkölluð tímamótaskref í þjónustu við fatlaða brotaþola kynferðisofbeldis. Þá var ráðinn inn starfsmaður með sérþekkingu á fötlun til að mæta betur þörfum fatlaðra brotaþola og gera Stígamót aðgengilegri. Fyrir þetta fengu Stígamót ýmsar viðurkenningar á borð við Múrbrjótinn, viðurkenningu Landssamtakanna Þroskahjálpar fyrir að brjóta niður múra gagnvart fötluðu fólki á þessu sviði. Undirrituð gegndi því starfi fram til október 2016. Starfið var svo auglýst í mars á þessu ári og sótti þar um ein hæfasta fatlaða konan á þessu sviði til að sinna ráðgjöf við fatlaða brotaþola og fræðslu um ofbeldi gagnvart fötluðu fólki. Stígamót treystu sér ekki til að vinna með þeirri baráttukonu þrátt fyrir að viðurkenna að hún væri sú hæfasta í starfið. Þess í stað var tekin sú ákvörðun að leggja starfið niður í þeirri mynd en taka frekar upp notendaráð sem einhvers konar samráðsvettvang fyrir hagsmunasamtök fatlaðs fólks til að koma að stefnumótun Stígamóta. Nú hefur verið ákveðið að leggja þetta notendaráð niður vegna samstarfsörðugleika. Samkvæmt skilningi okkar greinarhöfunda fengu Stígamót að halda fjármagninu úr Kristínarhúsi til að geta ráðið inn karlmann til að mæta betur karlkyns brotaþolum og svo manneskju með sérþekkingu á fötlunum, mismunun og jaðarsetningu til að mæta betur fötluðum brotaþolum. Undirritaður er formaður Átaks, félags fólks með þroskahömlun, og vill hrósa Stígamótum fyrir flottan fyrirlestur um ofbeldi gagnvart fötluðu fólki sem haldinn var þann 4. september síðastliðinn. Hins vegar verður að benda á að nú er enginn sérhæfður stuðningur við fatlaða brotaþola kynferðisofbeldis á Stígamótum og er það mjög alvarleg staða. Stígamót eru burðug samtök með 11 starfsmenn. Til samanburðar má nefna að í Barnahúsi starfa sjö starfsmenn og á kynferðisbrotadeild lögreglunnar á höfuðborgasvæðinu starfa að jafnaði 1-7 starfsmenn eftir því hvort starfsmenn hennar eru kallaðir út til annarra verkefna eða ekki. Fatlað fólk verður fyrir margfalt meira ofbeldi en ófatlað fólk og kynferðisofbeldi er þar engin undantekning. Á sama tíma er sérhæfður stuðningur fyrir fatlaða brotaþola af mjög skornum skammti og lítill sem enginn nú þegar ekki var ráðið aftur í stöðuna sem því var ætlað á Stígamótum. Við gerum þá kröfu að Stígamót ráði til sín fatlaðan eða sérhæfðan ráðgjafa til að sinna ráðgjöf við fatlaða brotaþola eða skili því fjármagni sem hugsað var til að mæta þessari þörf, því þörfin er vissulega mikil. Snæbjörn Áki Friðriksson er formaður Átaks.Helga Baldvins- og Bjargardóttir er lögfræðingur og þroskaþjálfi. Viltu birta grein á Vísi? Sendu okkur póst. Senda grein Birtist í Fréttablaðinu Mest lesið Enga saltdreifara á Bessastaði takk Skírnir Garðarsson Skoðun Óbærileg léttúð VG Jakob Frímann Magnússon Skoðun Bakslag í streymi Silja Snædal Drífudóttir Skoðun Eins og sandur úr greip Jón Steindór Valdimarsson Skoðun Afkomuviðvörun Jón Ingi Hákonarson Skoðun Hver er þinn innri áttaviti? Signý Gyða Pétursdóttir Skoðun Sögufölsun eytt í kyrrþey Hjörtur Hjartarson Skoðun Hvernig forseta vilt þú? Valdís Arnarsdóttir Skoðun Spurðu fólkið Halla Tómasdóttir Skoðun Satt og logið Bryndís Schram Skoðun Skoðun Skoðun Afkomuviðvörun Jón Ingi Hákonarson skrifar Skoðun Hver er þinn innri áttaviti? Signý Gyða Pétursdóttir skrifar Skoðun Eins og sandur úr greip Jón Steindór Valdimarsson skrifar Skoðun Enga saltdreifara á Bessastaði takk Skírnir Garðarsson skrifar Skoðun Hvernig forseta vilt þú? Valdís Arnarsdóttir skrifar Skoðun Spurðu fólkið Halla Tómasdóttir skrifar Skoðun Vopn, sprengjur og annað eins Árný Björg Blandon skrifar Skoðun Hvar er eldhúsglugginn? Elsa Ævarsdóttir skrifar Skoðun Bakslag í streymi Silja Snædal Drífudóttir skrifar Skoðun Tímaskekkja á 21. öldinni Valerio Gargiulo skrifar Skoðun Hver er pælingin? Ásgeir Brynjar Torfason skrifar Skoðun Í átt að velsæld á nokkrum mínútum Olga Björt Þórðardóttir skrifar Skoðun Er fyrirmyndarríkið Ísland í ruslflokki í sorpmálum? Sigurður Páll Jónsson skrifar Skoðun Takk fyrir vettlingana! Hópur foreldra leikskólabarna í Reykjavík skrifar Skoðun Hvað varð um samveruna? Hildur Gunnarsdóttir skrifar Skoðun Listir og velferð Kristín Valsdóttir skrifar Skoðun Er forsetaframbjóðendum umhugað um dýravernd? Árni Stefán Árnason skrifar Skoðun Þegar þú vilt miklu meira bákn Hjörtur J. Guðmundsson skrifar Skoðun Óbærileg léttúð VG Jakob Frímann Magnússon skrifar Skoðun Að hafa áhrif á nærumhverfi sitt Guðbrandur Einarsson skrifar Skoðun Framtíð innri markaðarins Gunnar Bragi Sveinsson skrifar Skoðun Satt og logið Bryndís Schram skrifar Skoðun Alþjóðlegi leiðsöguhundadagurinn Sigþór U. Hallfreðsson skrifar Skoðun Framsókn leggst ekki í duftið Guðmundur Birkir Þorkelsson skrifar Skoðun Að dreyma um alheim góðvildar Valerio Gargiulo skrifar Skoðun Að bjarga sex lífum á mínútu í hálfa öld Birna Þórarinsdóttir skrifar Skoðun Þegar þú ert báknið Gabríel Ingimarsson skrifar Skoðun Svik við þjóðina Alfreð Sturla Böðvarsson skrifar Skoðun Innivist er mikilvægasti þátturinn við hönnun íbúða! Ásta Logadóttir skrifar Skoðun Brautryðjandinn Baldur Þóra Björk Smith skrifar Sjá meira
Í mars 2014 tóku Stígamót sannkölluð tímamótaskref í þjónustu við fatlaða brotaþola kynferðisofbeldis. Þá var ráðinn inn starfsmaður með sérþekkingu á fötlun til að mæta betur þörfum fatlaðra brotaþola og gera Stígamót aðgengilegri. Fyrir þetta fengu Stígamót ýmsar viðurkenningar á borð við Múrbrjótinn, viðurkenningu Landssamtakanna Þroskahjálpar fyrir að brjóta niður múra gagnvart fötluðu fólki á þessu sviði. Undirrituð gegndi því starfi fram til október 2016. Starfið var svo auglýst í mars á þessu ári og sótti þar um ein hæfasta fatlaða konan á þessu sviði til að sinna ráðgjöf við fatlaða brotaþola og fræðslu um ofbeldi gagnvart fötluðu fólki. Stígamót treystu sér ekki til að vinna með þeirri baráttukonu þrátt fyrir að viðurkenna að hún væri sú hæfasta í starfið. Þess í stað var tekin sú ákvörðun að leggja starfið niður í þeirri mynd en taka frekar upp notendaráð sem einhvers konar samráðsvettvang fyrir hagsmunasamtök fatlaðs fólks til að koma að stefnumótun Stígamóta. Nú hefur verið ákveðið að leggja þetta notendaráð niður vegna samstarfsörðugleika. Samkvæmt skilningi okkar greinarhöfunda fengu Stígamót að halda fjármagninu úr Kristínarhúsi til að geta ráðið inn karlmann til að mæta betur karlkyns brotaþolum og svo manneskju með sérþekkingu á fötlunum, mismunun og jaðarsetningu til að mæta betur fötluðum brotaþolum. Undirritaður er formaður Átaks, félags fólks með þroskahömlun, og vill hrósa Stígamótum fyrir flottan fyrirlestur um ofbeldi gagnvart fötluðu fólki sem haldinn var þann 4. september síðastliðinn. Hins vegar verður að benda á að nú er enginn sérhæfður stuðningur við fatlaða brotaþola kynferðisofbeldis á Stígamótum og er það mjög alvarleg staða. Stígamót eru burðug samtök með 11 starfsmenn. Til samanburðar má nefna að í Barnahúsi starfa sjö starfsmenn og á kynferðisbrotadeild lögreglunnar á höfuðborgasvæðinu starfa að jafnaði 1-7 starfsmenn eftir því hvort starfsmenn hennar eru kallaðir út til annarra verkefna eða ekki. Fatlað fólk verður fyrir margfalt meira ofbeldi en ófatlað fólk og kynferðisofbeldi er þar engin undantekning. Á sama tíma er sérhæfður stuðningur fyrir fatlaða brotaþola af mjög skornum skammti og lítill sem enginn nú þegar ekki var ráðið aftur í stöðuna sem því var ætlað á Stígamótum. Við gerum þá kröfu að Stígamót ráði til sín fatlaðan eða sérhæfðan ráðgjafa til að sinna ráðgjöf við fatlaða brotaþola eða skili því fjármagni sem hugsað var til að mæta þessari þörf, því þörfin er vissulega mikil. Snæbjörn Áki Friðriksson er formaður Átaks.Helga Baldvins- og Bjargardóttir er lögfræðingur og þroskaþjálfi.