Skellti sér á skeljarnar á körfuboltaleik og allt fór til fjandans

Það þekkist víða um heim að lenda í kossavélinni á íþróttaleikjum en upphaflega byrjaði þessi hefð í Bandaríkjunum.

Sumir nýta þetta fallega tækifæri og henda sér á skeljarnar og biðja makann um að giftast sér.

Eitt slíkt atvik átti sér stað á leik í NBA-deildinni á dögunum í leik með Atlanta Hawks.

Þá bar ungur maður fram spurninguna frægu, en um leið fær hann högg á bakið og missir hringinn undir sætin í stúkunni. Hrikalegt að sjá eins og lesendur geta sjálfir skoðað hér að neðan. 

Vefsíðan The Independent birtir myndskeiðið á Facebook.