Nauðalíkir listamenn sýna í Newcastle Stefán Þór Hjartarson skrifar 14. janúar 2017 10:00 Margeir Sigurðsson og Örn Tönsberg eru ótrúlega samstíga bæði í tónlist og myndlist. Vísir/Anton Brink Þeir Margeir Sigurðsson og Örn Tönsberg eru fjölhæfir listamenn sem munu nú í lok mánaðar halda til Newcastle þar sem þeir sýna myndlist á veggjum Gallery Abject þar í borg. „Sýningin heitir Flow – það er út af því að ég er að fara að gera strokumálverk eins og ég geri oftast og Örn er að fara að gera sitt línu „grúv“ – það er flæðið sem bindur okkar stíla. Við erum alltaf að tala um svipaða hluti í málverkunum okkar. Við mætum út 26. og höfum tvo daga til að mála allt galleríið. Við klæðum það allt að innan með plötum og þurfum bara að „go nuts“ í tvo daga. Þetta eru sem sagt tveir gagnstæðir veggir, ég mála annan og Örn málar hinn og síðan er það þriðji veggurinn sem tengir þá, þar munum við mætast og mála sameiginlegt verk,“ segir Margeir Sigurðsson, eða Margeir Dire eins og hann kallar sig. Margeir og Örn Tönsberg eru á leiðinni út til Newcastle að sýna vegglist í galleríi þar í borg en þeir hafa verið mjög stórtækir í þeim bransa hér heima fyrir og hafa skreytt marga veggi bæjarins, allt frá vinnusvæðum og öldurhúsum í miðbænum til bankaútibúa Íslandsbanka.Örnin, ásamt öðrum fuglum reyndar, er Erni ákaflega hugleikinn.Mynd/AðsendGeturðu útskýrt samstarf ykkar og mismunandi stíl? „Við höfum unnið saman í mörg, mörg ár, þannig að við þekkjum hvor annan það vel að við þurfum ekkert að tala saman og finnum bara „grúvið“ hjá hvor öðrum á meðan við málum. Við erum líka eins og ég segi oftast í sömu pælingunum og erum báðir jafnhæfir í að gera realísk verk og líka þessar abstrakt grúvpælingar. Þetta tvennt bindur okkur svolítið saman. Við munum blanda þessum stílum saman á sýningunni. Ég persónulega er annars hrifnastur af verkum sem þarf ekkert að útskýra; annaðhvort hafa þau áhrif á þig eða ekki. Ef það hefur áhrif á áhorfandann þá er verkið gott.“Hvernig er þetta gallerí sem þið sýnið í og hvernig kom það til að ykkur var boðið þangað? „Þetta er þriggja hæða listamiðstöð sem við sýnum í – á neðstu hæðinni er klúbbur, á annarri hæð er svo galleríið sjálft og á þriðju hæðinni eru vinnustofur fyrir listamenn. Aðstandendur þessa batterís komu hingað til landsins sumarið 2015 til að leita að listamönnum fyrir galleríið og ég hitti þau á Bar Ananas – en þau höfðu verið að spyrjast fyrir um hverjir hefðu málað veggina þar, en ég og Örn sáum einmitt um það. Það var búið að benda þeim á Bar Ananas í leitinni og þau höfðu líka verið búin að „spotta“ verk eftir okkur hér og þar – það er ekki mikið eftir af þeim í dag, en þá voru verk í kringum Hjartagarðsreitinn og annars staðar. Þau höfðu líka kíkt við í Gallery Gallera þar sem við vorum báðir með verk til sölu. Við ætlum svo líka að spila tónleika niðri í klúbbnum, eða Örn ætlar að taka lagið og ég verð bak við hann að mála á meðan.“Margeir og Örn hafa unnið saman að verkum sem lífga upp á grindverk vinnusvæða. Hér er verk þeirra hjá Hjartagarðsreitnum svokallaða.Mynd/AðsendHvað hafið þið félagarnir annars verið að brasa upp á síðkastið og hver eru plönin á árinu? „Örn er búinn að sjá um myndefni fyrir Veganúar upp á síðkastið og svo er hann einn af þeim sem eru með Gallery Gallera, sem er bæði verslun og gallerí. Ég hef verið í alls konar verkefnum en lifi aðallega á því að selja málverk. Síðan höfum við báðir verið í stórum verkefnum fyrir Secret Solstice-hátíðina, höfum verið þar öll árin að sjá um alla „visuals“ á svæðinu sem er alltaf mjög spennandi verkefni þar sem við fáum algjört frelsi til að gera það sem við viljum. Planið á þessu ári er að ferðast mikið og sýna úti, er með nokkur slík verkefni í bígerð – síðan ætla ég mögulega til Mexíkó eftir þessa sýningu og mála nokkra veggi þar. Við erum síðan báðir á fullu í tónlist. Það er rosa fínt að hafa bæði tónlist og myndlist því að það er svo margt sem maður nær ekki að losa í myndlistinni sem er hægt að koma út í tónlist. Það er einn eitt atriðið sem gerir okkur að líkum listamönnum. Við erum eiginlega sami maðurinn.“ Sýningin hefst þann 28. janúar í Gallery Abject og stendur yfir í mánuð. Mest lesið Fjórar dýrindis diskósúpur úr hráefnum sem annars hefði verið hent Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið „Ég dreg mig í hlé og fer bara og stofna kaffihús“ Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið „Kveiktum næstum í öllu sumarbústaðalandinu“ Lífið Una Torfadóttir með sína útgáfu af Bubbalagi frá 1998 Lífið Magnús Árni selur sögufrægt hús með kastalaturni Lífið Fleiri fréttir Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Sjá meira
Þeir Margeir Sigurðsson og Örn Tönsberg eru fjölhæfir listamenn sem munu nú í lok mánaðar halda til Newcastle þar sem þeir sýna myndlist á veggjum Gallery Abject þar í borg. „Sýningin heitir Flow – það er út af því að ég er að fara að gera strokumálverk eins og ég geri oftast og Örn er að fara að gera sitt línu „grúv“ – það er flæðið sem bindur okkar stíla. Við erum alltaf að tala um svipaða hluti í málverkunum okkar. Við mætum út 26. og höfum tvo daga til að mála allt galleríið. Við klæðum það allt að innan með plötum og þurfum bara að „go nuts“ í tvo daga. Þetta eru sem sagt tveir gagnstæðir veggir, ég mála annan og Örn málar hinn og síðan er það þriðji veggurinn sem tengir þá, þar munum við mætast og mála sameiginlegt verk,“ segir Margeir Sigurðsson, eða Margeir Dire eins og hann kallar sig. Margeir og Örn Tönsberg eru á leiðinni út til Newcastle að sýna vegglist í galleríi þar í borg en þeir hafa verið mjög stórtækir í þeim bransa hér heima fyrir og hafa skreytt marga veggi bæjarins, allt frá vinnusvæðum og öldurhúsum í miðbænum til bankaútibúa Íslandsbanka.Örnin, ásamt öðrum fuglum reyndar, er Erni ákaflega hugleikinn.Mynd/AðsendGeturðu útskýrt samstarf ykkar og mismunandi stíl? „Við höfum unnið saman í mörg, mörg ár, þannig að við þekkjum hvor annan það vel að við þurfum ekkert að tala saman og finnum bara „grúvið“ hjá hvor öðrum á meðan við málum. Við erum líka eins og ég segi oftast í sömu pælingunum og erum báðir jafnhæfir í að gera realísk verk og líka þessar abstrakt grúvpælingar. Þetta tvennt bindur okkur svolítið saman. Við munum blanda þessum stílum saman á sýningunni. Ég persónulega er annars hrifnastur af verkum sem þarf ekkert að útskýra; annaðhvort hafa þau áhrif á þig eða ekki. Ef það hefur áhrif á áhorfandann þá er verkið gott.“Hvernig er þetta gallerí sem þið sýnið í og hvernig kom það til að ykkur var boðið þangað? „Þetta er þriggja hæða listamiðstöð sem við sýnum í – á neðstu hæðinni er klúbbur, á annarri hæð er svo galleríið sjálft og á þriðju hæðinni eru vinnustofur fyrir listamenn. Aðstandendur þessa batterís komu hingað til landsins sumarið 2015 til að leita að listamönnum fyrir galleríið og ég hitti þau á Bar Ananas – en þau höfðu verið að spyrjast fyrir um hverjir hefðu málað veggina þar, en ég og Örn sáum einmitt um það. Það var búið að benda þeim á Bar Ananas í leitinni og þau höfðu líka verið búin að „spotta“ verk eftir okkur hér og þar – það er ekki mikið eftir af þeim í dag, en þá voru verk í kringum Hjartagarðsreitinn og annars staðar. Þau höfðu líka kíkt við í Gallery Gallera þar sem við vorum báðir með verk til sölu. Við ætlum svo líka að spila tónleika niðri í klúbbnum, eða Örn ætlar að taka lagið og ég verð bak við hann að mála á meðan.“Margeir og Örn hafa unnið saman að verkum sem lífga upp á grindverk vinnusvæða. Hér er verk þeirra hjá Hjartagarðsreitnum svokallaða.Mynd/AðsendHvað hafið þið félagarnir annars verið að brasa upp á síðkastið og hver eru plönin á árinu? „Örn er búinn að sjá um myndefni fyrir Veganúar upp á síðkastið og svo er hann einn af þeim sem eru með Gallery Gallera, sem er bæði verslun og gallerí. Ég hef verið í alls konar verkefnum en lifi aðallega á því að selja málverk. Síðan höfum við báðir verið í stórum verkefnum fyrir Secret Solstice-hátíðina, höfum verið þar öll árin að sjá um alla „visuals“ á svæðinu sem er alltaf mjög spennandi verkefni þar sem við fáum algjört frelsi til að gera það sem við viljum. Planið á þessu ári er að ferðast mikið og sýna úti, er með nokkur slík verkefni í bígerð – síðan ætla ég mögulega til Mexíkó eftir þessa sýningu og mála nokkra veggi þar. Við erum síðan báðir á fullu í tónlist. Það er rosa fínt að hafa bæði tónlist og myndlist því að það er svo margt sem maður nær ekki að losa í myndlistinni sem er hægt að koma út í tónlist. Það er einn eitt atriðið sem gerir okkur að líkum listamönnum. Við erum eiginlega sami maðurinn.“ Sýningin hefst þann 28. janúar í Gallery Abject og stendur yfir í mánuð.
Mest lesið Fjórar dýrindis diskósúpur úr hráefnum sem annars hefði verið hent Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið „Ég dreg mig í hlé og fer bara og stofna kaffihús“ Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið „Kveiktum næstum í öllu sumarbústaðalandinu“ Lífið Una Torfadóttir með sína útgáfu af Bubbalagi frá 1998 Lífið Magnús Árni selur sögufrægt hús með kastalaturni Lífið Fleiri fréttir Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Sjá meira