Íslensku stelpurnar hittu nýkrýndan Evrópumeistara sem óskaði þeim góðs gengis

Íslenska kvennalandsliðið í handbolta skipað leikmönnum 17 ára og yngri er nú statt í Skopje í Makedóníu þar sem EHF Championship fer fram.

Stelpurnar hefja leik síðdegis í dag þegar þær mæta Kósóvó.

Þegar íslensku stelpurnar voru að versla sér ávexti og millimál fyrr í dag hittu þær Joan Canellas, leikmann Vardar og spænska landsliðsins.

Canellas er í hópi bestu leikmanna heims og átti stóran þátt í því að Vardar vann Meistaradeild Evrópu í fyrsta sinn í vor.

Íslensku stelpurnar fengu mynd af sér með Canellas sem óskaði þeim góðs gengis gegn Kósóvó.