Útskýrði hvernig best er að létta andrúmsloftið í kynlífssenum

Það er ljóst að leikarar hafa mismikla reynslu af því að leika í kynlífssenum.

Þetta kom berlega í ljós þegar þau Keanu Reeves og Whoopi Goldberg mættu ásamt Jamie Dornan í heimsókn til Graham Norton.

Þar voru þau afar áhugasöm að heyra hvernig það væri að leika í kynlífssenum, en Jamie Dornan fer með hlutverk Christian Grey í Fifty Shades kvikmyndabálknum og því afar reynslumikill þegar kemur að leik í slíkum senum.

Þar lýsti hann því meðal annars hvaða aðferðum hann beitir til þess að létta andrúmsloftið í slíkum tökum, í þessu fyndna myndbandi, þar sem Whoopi Goldberg þvertók fyrir að hafa nokkurntímann leikið í kynlífssenu.