Sport

Anníe Mist um styrk Evrópuliðsins í crossfit: Það hjálpar að við séum þrjú frá Íslandi

Óskar Ófeigur Jónsson skrifar
Anníe Mist Þórisdóttir.
Anníe Mist Þórisdóttir. Mynd/Instagram/anniethorisdottir
Anníe Mist Þórisdóttir mun keppa fyrir hönd Evrópu í liðakeppni heimsleikana í crossfit og hún var í viðtali á Twitter-síðu The CrossFit Games þar sem hún ræddi meðal um endurkomu sína í hóp bestu crossfit kvenna heims.

Anníe Mist vann heimsleikana tvö ár í röð frá 2011 og 2012 og fékk síðan silfur 2010 og 2014. Hún hafði hinsvegar glímt við meiðsli og náði ekki sínu besta fram á heimsleikunum 2015 og 2016.

Anníe Mist átti aftur á móti frábæra endurkomu á síðustu heimsleikum í ágúst þar sem hún vann bronsverðlaun og komst því um leið í fimmta sinn á pall á móti bestu crossfitara heims.  Því hefur engin önnur kona náð.



„Mér fannst ég vera klár líkamlega árin 2015 og 2016. Ég gat ekki stjórnað því sem gerðist árið 2015 og þurfti að hætta keppni,“ sagði Anníe Mist sem fékk þá hitaslag vegna hita og vökvataps.

„Árið 2016 var ég í besta formi sem ég hef nokkurn tímann verið í en ég held að ég hafi ekki verið komin í gegnum það andlega sem gerðist árið á undan. Ég var svo hrædd um að það sama gæti komið fyrir aftur,“ segir Anníe Mist í viðtalinu.

„Ég komst loksins í gegnum þetta í ár. Mér fannst ég aldrei vera ekki nógu góð til að standa mig eða komast á pall þessi tvö ár. Þetta var bara eitthvað sem ég hafði ekki stjórn á,“ segir Anníe Mist.



 
Caption this  #meaningfulfistbump Moment captured by @heber_cannon

A post shared by Annie Thorisdottir (@anniethorisdottir) on Oct 23, 2017 at 2:01pm PDT





Spyrillinn fékk Anníe Mist til að bera saman keppnisstaði heimsleikana sem fluttu frá Karólínuríki í ár og fóru nú fram í Madison í Wisconsin.

„Mér finnst frábært að ég hafi fengið að prófa þrjá mismunandi keppnisstaði á heimsleikunum,“ segir Anníe Mist sem segir að það hafi verið gott að keppa á sínum fyrstu heimsleikum á litlum leikvangi en það hafi síðan verið risastórt skref að fara á stóra leikvanginn í Carson í Kaliforníu.

„Það var frábært að skipta yfir til Madison. Ég á margar frábærar minningar frá Kaliforníu en ég á líka nokkrar slæmar. Það var mjög gott fyrir mig að komast á nýjan stað og byrja með hreinan skjöld. Mér fannst líka öll borgin í Madison vera á kafi í leikunum,“ sagði Anníe Mist.







Evrópska liðið hefur titil að verja á CrossFit Invitational en hvað gerir evrópska liðið svona sterkt?

„Við erum með frábæran hóp af íþróttamönnum en við þekkjum hvert annað líka vel. Við höfum keppt saman áður og svo eru þrjú okkar frá Íslandi. Ég er ekki vafa um að við eigum góða möguleika á að vinna í ár. Við erum líka öll ekki að stressa okkur mikið á hlutunum og hvetjum líka hvert annað,“ sagði Anníe Mist en með henni í Evrópuliðinu eru þau Ragnheiður Sara Sigmundsdóttir, Björgvin Karl Guðmundsson og Jason Smith. Samantha Briggs þjálfar liðið.

Hvað er annars næst á dagskrá hjá Anníe Mist?

„Ég hugsa vanalega ekki nema eitt ár fram í tímann og veit aldrei hvort ég ætli að mæta á næstu leika eða ekki. Mér leið rosalega vel eftir heimsleikana í ár og  líkamlega og andlega er þetta eitt mitt allra besta ár á heimsleikunum,“ sagði Anníe Mist og bætti við:

„Ég er enn að þroskast sem íþróttamaður og finnst að ég geti bætti mig ennþá. Þetta er svo jafnt við toppinn sem gerir þetta enn meira spennandi og skemmtilegt. Ég veit ekki alveg hvað ég ætla að gera á næsta ár. Ég er samt að æfa eins og ég ætla að halda áfram og ætla ekki að stoppa alveg strax. Ég held ekki að ég sé að fara neitt,“ sagði Anníe Mist brosandi.

Það má finna allt viðtalið hér fyrir neðan.



CrossFit

Tengdar fréttir

Anníe Mist, Sara og Björgvin í þakkarhópi heimsleikanna | Myndband

Íslenska crossfit-fólkið Anníe Mist Þórisdóttir, Ragnheiður Sara Sigmundsdóttir og Björgvin Karl Guðmundsson voru valin til þess að þakka öllum áhorfendunum, öllu starfsfólkinu og öllum sjálfboðaliðunum fyrir vel heppnaða heimsleika og vel heppnað crossfit-tímabil.

Annie Mist setti heimsmet

Annie Mist Þórisdóttir, fyrrum hraustasta kona heims, setti í dag nýtt heimsmet.

Mest lesið


Fleiri fréttir

Sjá meira


×

Mest lesið