Sjóhaukarnir kýldu Ernina niður

Philadelphia Eagles hefur flogið með himinskautum í NFL-deildinni í vetur en liðið fékk á baukinn er það mætti á hinn erfiða útivöll í Seattle þar sem sterkir Sjóhaukar biðu þeirra.

Leikstjórnandi Eagles, Carsion Wentz, átti samt ekki alslæman leik en hann kastaði boltanum fyrir 348 jördum og einu snertimarki. Hann var einnig með einn tapaðan bolta.

Hinn magnað leikstjórnandi Sjóhaukanna, Russell Wilson, kastaði minna eða 227 jarda en hann kastaði boltanum þrisvar sinnum fyrir snertimarki.

Íslandsvinirnir í Minnesota Vikings sendu afar sterk skilaboð í gær er liði vann frábæran útisigur á Atlanta Falcons. Þetta var áttundi sigur Vikings-liðsins í röð.

Svo var uppgjör í sterkasta riðli deildarinnar þar sem New Orleans vann góðan sigur á Carolina.

Eftir helgina eru þrjú lið með besta árangur í deildinni. Tíu sigurleiki og tvö töp. Það eru New England Patriots, Minnesota Vikings og Philadelphia Eagles. Pittsburgh getur náð sama árangri vinni liðið sinn leik í nótt.

Úrslit:

Seattle-Philadelphia  24-10

Atlanta-Minnesota  9-14

Baltimore-Detroit  44-20

Buffalo-New England  3-23

Chicago-San Francisco  14-15

Green Bay-Tampa Bay 26-20 (eftir framlengingu)

Jacksonville-Indianapolis  30-10

Miami-Denver  35-9

NY Jets-Kansas City  38-31

Tennessee-Houston  24-13

LA Chargers-Cleveland  19-10

New Orleans-Carolina  31-21

Arizona-LA Rams  16-32

Oakland-NY Giants  24-17

Í nótt:

Cincinnati - Pittsburgh

Staðan í NFL-deildinni.

Þessi lið eru með sæti í úrslitakeppninni eins og staðan er núna.

Ameríkudeildin:

New England Patriots

Pittsburgh Steelers

Tennessee Titans

Kansas City Chiefs

Jacksonville Jaguars

Baltimore Ravens

Þjóðardeildin:

Minnesota Vikings

Philadelphia Eagles

LA Rams

New Orleans Saints

Seattle Seahawks

Carolina Panthers