Handbolti

Átti sinn besta leik í skugga kynferðisofbeldis

Tómas Þór Þórðarson skrifar
Nora Mörk fór á kostum í Danmörku.
Nora Mörk fór á kostum í Danmörku. vísir/getty
Norska handboltakonan Nora Mörk varð fyrir þeim viðbjóði að nektarmyndum úr einkasafni hennar var dreift á netinu en hún er búin að kæra fimmtán menn fyrir dreifinguna.

Mörk brotnaði niður þegar að hún ræddi þetta skelfilega mál við TV2 í Noregi um síðustu helgi en rétt áður en hún fór í viðtalið hafði hún spilað leik í Meistaradeildinni með liði sínu Györi í Ungverjalandi á móti Midtjylland.

Í skugga þessa ömurlega stafræna kynferðisofbeldis spilaði Mörk sinn besta leik á tímabilinu en hún gekk frá danska liðinu með þrettán mörkum í 27-24 útsigri ungverska liðsins.

Mörk fór rólega af stað á tímabilinu og skoraði „aðeins“ fimmtán mörk í fyrstu fjórum leikjum Györi í Meistaradeildinni sem þykir ekki mikið á þeim bænum enda stendur hún vanalega undir eftirnafni og skorar mikið af mörkum.

Sú norska var útnefnd besti leikmaður fjórðu umferðar í Meistaradeildinni fyrir frammistöðu sína en brot af því besta má sjá hér að neðan.

Handbolti

Tengdar fréttir

Mest lesið


Fleiri fréttir

Sjá meira


×

Mest lesið