Fótbolti

Birkir Már gaf feðgum miða á leikinn gegn Kósovó

Ingvi Þór Sæmundsson skrifar
Birkir Már er með hjartað á réttum stað.
Birkir Már er með hjartað á réttum stað. vísir/ernir
Landsliðsmaðurinn Birkir Már Sævarsson gaf feðgum miða á leik Íslands og Kósovó í undankeppni HM í október.

Breiðhyltingurinn Maggi Peran greindi frá því á Twitter í dag að hann hefði ekki fengið miða á leikinn mikilvæga gegn Kósovó. Maggi hafði hugsað sér að fara með son sinn, Úlf, á leikinn.

Í kvöld fékk Maggi skilaboð frá Birki Má sem gekk í málið og reddaði miðum fyrir feðgana.

„Úlfur sonur minn fékk fréttir rétt í þessu sem létu hann tárast. Er hægt að vera með fallegra hjarta?“ skrifaði Maggi á Twitter í kvöld.

Feðgarnir verða því væntanlega í góðum gír í stúkunni á Laugardalsvelli þegar Ísland mætir Kósovó 9. október.

HM 2018 í Rússlandi

Mest lesið


Fleiri fréttir

Sjá meira


×

Mest lesið