George Clooney lýsir því hvernig bónorðið misheppnaðist

George og Amal Clooney eru hjón og líklega eitt frægasta par heims. Clooney fór vel yfir nokkuð spaugilegt atvik, í þætti Ellen Degeneres, sem átti sér stað er hann bað Amal um að giftast sér. Þau giftu sig ári 2014 en viðtalið er frá árinu 2016 en var rifjað upp á síðu tímaritsins Marie Claire.

„Það tók mig um sex mánuði til að átta mig á því að ég ætlaði að giftast þessari konu,“ sagði Clooney sem talaði opinberlega um það í mörg ár að hann ætlaði aldrei að gifta sig.

„Ég var búinn að plana þetta mjög vel. Búinn að elda og setja allt upp á mjög rómantískan hátt. Þegar við erum búin að borða stendur Amal upp og ætlar að vaska upp, eitthvað sem hún gerir aldrei. Því næst slokknar á kertinu inni í borðstofu og ég segi við hann að kveikjarinn sé í litlum kassa fyrir aftan hana,“ sagði Clooney.

Amal tók upp kassann og svaraði kærastanum: „Þetta er hringur, ekki kveikjari.“

„Ég fór á skeljarnar og byrjaði að tala um hvað mig langaði að eyða restinni af ævi minni með henni.“

Amal fór í algjört sjokk og Clooney segir að það hafi tekið hana 25 mínútur að svara spurningunni.

Hér að neðan má heyra þessa skemmtilegu sögu.