Erlent

Mál Kim Wall: Líkamshluti mögulega fundinn við strönd Skánar

Atli Ísleifsson skrifar
Lögregla í Danmörku hefur leitað að líkamsleifum Kim Wall í Kögeflóa og víðar.
Lögregla í Danmörku hefur leitað að líkamsleifum Kim Wall í Kögeflóa og víðar. Vísir/AFP

Talið er að hluti af líkama hafi fundist í sjónum við Höllviken á Skáni í Svíþjóð í dag.

Tæknideild sænsku lögreglunnar var send á vettvang og hefur lögregla í Danmörku verið upplýst um fundinn.

Mögulegt er talið að líkamshluturinn gæti tengst leitinni að sænsku blaðakonunni Kim Wall.

Í frétt Aftonbladet segir að maður hafi tilkynnt lögreglu um fundinn klukkan 11:38 að staðartíma, eða 9:38 að íslenskum tíma.

Kaupmannahafnarlögreglan staðfesti í gær að búkur sem fannst í sjónum suður af Amager á mánudaginn hafi verið Wall.

Peter Madsen er nú grunaður um morð, eftir að hafa áður verið grunaður um manndráp.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.