Kapphlaupið um miða á Úkraínuleikinn á miðvikudaginn

Knattspyrnusambands Íslands tilkynnti í dag að miðasala á næsta heimaleik íslenska karlalandsliðsins í fótbolta í undankeppni HM 2018 hefjist á hádegi á miðvikudaginn kemur.

Miðasala á leik Íslands og Úkraínu í undankeppni HM hefst miðvikudaginn 16. ágúst, klukkan 12:00 á hádegi. KSÍ segir frá þessu í frétt á heimasíðu sinni.

Leikurinn fer fram þriðjudaginn 5. september, kl. 18:45, á Laugardalsvelli og fer miðasalan fram í gegnum miðasölukerfi hjá www.midi.is. Það hefur verið uppselt á síðustu keppnisleiki íslenska liðsins á Laugardalsvellinum og það má því búast við kapphlaupi um miðana nú sem fyrr.

Eins og undanfarin ár verður boðið upp á barnaverð fyrir 16 ára og yngri sem er 50 prósent af fullu miðaverði. Hægt er að velja barnaverð í kaupferlinu.

Mest er hægt að kaupa fjóra miða á hverja kennitölu. Samkvæmt miðaskilmálum KSÍ og Miða.is er með öllu óheimilt að nota aðgöngumiða frá KSÍ í markaðslegum tilgangi, eins og t.d. að gefa í leikjum á samfélagsmiðlum eða á öðrum miðlum. Verði einhver uppvís af slíku áskilur KSÍ sér rétt til að ógilda miðann.

Verðin eru eftir farandi:

Rautt svæði - 7.000 krónur

Blátt svæði - 5.000 krónur

Grænt svæði - 3.000 krónur

Íslenska landsliðið á góðan möguleika á að tryggja sér sæti á heimsmeistaramóti í fyrsta sinn en liðið er eins og er í öðru sæti riðilsins með jafnmörg stig en lakari markatölu en topplið Króatíu. Það eru síðan tvö stig í næstu lið sem eru Tyrkland og Úkraína. Leikurinn á móti Úkraínu er því gríðarlega mikilvægur fyrir íslenska liðið. Hér má sjá stöðuna í riðli Íslands.