32 ár síðan ensku liðin voru sett í bann | Þessi félög misstu af leikjum í Evrópukeppni

Í dag eru 32 ár síðan að ensku liðin voru sett í bann í Evrópukeppnum félagsliða vegna framkomu stuðningsmanna Liverpool í úrslitaleik Evrópukeppni meistaraliða sem fram fór á Heysel-leikvanginum í Brussel.

39 létust í Heysel-slysinu, flestir Ítalir og stuðningsmenn Juventus sem höfðu flúið stuðningsmenn Liverpool.

Leikurinn var samt látinn fara fram og þar vann Juventus Evrópukeppni meistaraliða í fyrsta sinn í sögu félagsins. Michel Platini skoraði sigurmarkið úr umdeildri vítaspyrnu.

UEFA sagði stuðningsmenn Liverpool bera ábyrgð á því hvernig fór og fjórum dögum eftir slysið voru öll ensku liðin útlokuð frá þátttöku í Evrópukeppnum. Bannið stóð til 1990 fyrir utan að Liverpool var eitt ár lengur í banni.  

England tapaði líka sætum vegna árangurstengdra ástæðna og enska deildin fékk því mun færri sæti í Evrópukeppninni þegar banninu var loksins létt.

Hér fyrir neðan má sjá lista yfir ensku félögin sem misstu af sæti í Evrópukeppninni vegna bannsins frá 1985 til 1990.

1985-86

Evrópukeppni meistaraliða: Everton

Evrópukeppni bikarliða: Manchester United

Evrópukeppni félagsliða: Liverpool, Tottenham, Southampton og Norwich.

1986-87

Evrópukeppni meistaraliða: Liverpool

Evrópukeppni bikarliða: Everton

Evrópukeppni félagsliða: West Ham, Manchester United, Sheffield Wednesday og Oxford.

1987-88

Evrópukeppni meistaraliða: Everton

Evrópukeppni bikarliða: Coventry

Evrópukeppni félagsliða: Liverpool, Tottenham, Arsenal og Norwich.

1988-89

Evrópukeppni meistaraliða: Liverpool

Evrópukeppni bikarliða: Wimbledon

Evrópukeppni félagsliða: Manchester United, Nottingham Forest, Everton og Luton.

1989-90

Evrópukeppni meistaraliða: Arsenal

Evrópukeppni bikarliða: Liverpool

Evrópukeppni félagsliða: Nottingham Forest, Norwich, Derby og Tottenham