Aron og félagar komnir í úrslit eftir stórsigur í oddaleik

Aron Kristjánsson og lærisveinar hans í Aalborg eru komnir í úrslit um danska meistaratitilinn í handbolta karla eftir 31-23 sigur á Bjerringbro/Silkeborg í kvöld. Aalborg mætir Skjern í úrslitarimmunni.

Janus Daði Smárason var eini Íslendingurinn sem komst á blað í leiknum í kvöld.

Janus Daði skoraði fjögur mörk úr níu skotum fyrir Aalborg og gaf auk þess þrjár stoðsendingar. Norðmaðurinn Sander Sagosen var markahæstur í liði Aalborg með 10 mörk.

Stefán Rafn Sigurmannsson og Arnór Atlason voru ekki á meðal markaskorara hjá Aalborg í kvöld.