Eitt mark frá Atla Ævari og Sävehof 1-0 undir

Atli Ævar Ingólfsson og félagar hans í Sävehof eru lentir 1-0 undir á móti Alingsås í einvígi liðanna í undanúrslitum sænsku úrvalsdeildarinnar í handbolta.

Alingsås hafnaði í fimmta sæti deildarinnar en Sävehof í því sjötta og eiga Alingsås-menn því heimavöllinn. Þeir unnu öruggan sigur í kvöld, 27-20. Vinna þarf þrjá leiki til að komast í úrslitin.

Atli Ævar var nokkuð rólegur í liði gestanna og skoraði aðeins eitt mark en heimamenn höfðu undirtökin nær allan leikinn.

Í hinu undanúrslitaeinvíginu mætast Íslendingaliðið Kristianstad og Ystad sem er nokkuð óvænt komið í átta liða úrslitin eftir að lenda í áttunda sæti deildarinnar.